شہری کو 2 سال قبل چوری ہونے والی موٹر سائیکل کا ای چالان مل گیا

کراچی میں چوری شدہ موٹر سائیکل کا واقعہ

کراچی (ڈیلی پاکستان آن لائن) شہر قائد میں دو سال قبل چوری ہونے والی موٹر سائیکل تو مالک کو نہ ملی لیکن ای چالان مل گیا۔

یہ بھی پڑھیں: سندھ کی انسدادِ دہشتگردی عدالتوں میں سب سے زیادہ کیسز زیرِ التوا

چوری کی تفصیلات

نجی ٹی وی جیو نیوز کے مطابق شہری کی موٹرسائیکل 7 دسمبر 2023 کو لیاقت آباد سے چوری ہوئی۔ واقعے کی ایف آئی آر بھی درج کرائی گئی لیکن موٹرسائیکل نہیں مل سکی۔ دو سال تک اس کی موٹر سائیکل تو نہ ملی البتہ 28 دسمبر 2025 کو اسے ای چالان مل گیا۔

ای چالان کی نوعیت

متاثرہ شہری کا کہنا ہے کہ چالان نیشنل سٹیڈیم فلائی اوور کے قریب ہیلمٹ کی خلاف ورزی پر کیا گیا۔ شہری نے پولیس حکام سے اپیل کی ہے کہ موٹرسائیکل کی برآمدگی کے لیے اقدامات کیے جائیں۔