پاکستان، چین وزرائے خارجہ سٹریٹجک ڈائیلاگ، سی پیک سمیت اہم امور پر تبادلۂ خیال

وزیر خارجہ اسحاق ڈار کا بیجنگ کا دورہ

بیجنگ (مانیٹرنگ ڈیسک) چینی وزیر خارجہ وانگ ای کی دعوت پر وزیر خارجہ اسحاق ڈار نے بیجنگ کا دورہ کیا۔ اس موقع پر پاکستان اور چین وزرائے خارجہ سٹریٹجک ڈائیلاگ کے ساتویں دور کی مشترکہ صدارت کی گئی۔

یہ بھی پڑھیں: اسلام آباد ایئرپورٹ پر مسافر کے پیٹ سے کوکین، مختلف آپریشنز میں کروڑوں کی منشیات برآمد

سٹریٹجک ڈائیلاگ کی تفصیلات

تفصیلات کے مطابق سٹریٹجک ڈائیلاگ کے دوران دو طرفہ تعلقات کے مکمل دائرہ کار کا تفصیلی جائزہ لیا گیا۔ ملاقات میں خطے اور عالمی سطح پر درپیش اہم سیاسی و سلامتی امور پر تبادلۂ خیال کیا گیا۔ سی پیک کے جاری اور آئندہ منصوبوں، پیشرفت اور باہمی تعاون پر بھی گفتگو کی گئی۔ دو طرفہ تجارت کے فروغ، سرمایہ کاری، صنعتی تعاون اور معاشی روابط بڑھانے کے امکانات پر بھی تبادلۂ خیال کیا گیا۔

یہ بھی پڑھیں: پنجاب سیف سٹیز اتھارٹی نے ای چالان کے نام پر شہریوں کو لوٹنے والی 100 سے زائد جعلی ویب سائٹس بلاک کروا دیں

کثیرالجہتی فورمز پر تعاون

کثیرالجہتی فورمز پر پاکستان اور چین کے درمیان قریبی تعاون اور ہم آہنگی بڑھانے پر اتفاق کیا گیا۔ عوامی روابط، تعلیمی تبادلوں اور ثقافتی تعاون کو مزید وسعت دینے کی ضرورت پر بھی زور دیا گیا۔

75 سالہ سفارتی تعلقات کی تقریبات

پاک، چین سفارتی تعلقات کے 75 سال مکمل ہونے پر سال بھر تقریبات اور سرگرمیاں منانے پر اتفاق کیا گیا۔