بھارت کی جانب سے 28 جنوری کو یاسین ملک کو سزا سنانے کا خطرہ ہے، ان کی جان لینے کی کوشش ہوئی تو وہ دھماکا ہوگا کہ سب ہاتھ ملتے رہ جائیں گے، اہلیہ مشعال ملک

یاسین ملک کو سزا کا خطرہ

راولپنڈی (ڈیلی پاکستان آن لائن) کشمیری حریت رہنما یاسین ملک کی اہلیہ مشعال حسین ملک نے کہا ہے کہ 28 جنوری کو یاسین ملک کو سزا سنانے کا خطرہ ہے۔ اگر ان کی جان لینے کی کوشش ہوئی تو وہ دھماکا ہوگا کہ سب ہاتھ ملتے رہ جائیں گے۔

یہ بھی پڑھیں: شوہر کے ساتھ گھومنے نکلی نئی نویلی دلہن کو اجتماعی زیادتی کا نشانہ بنا دیا گیا.

مودی کی خطرناک پالیسیاں

ایکسپریس نیوز کے مطابق، پانچ جنوری کو حق خود ارادیت کے دن کے موقع پر راولپنڈی پریس کلب کے باہر شہر کے تاجر نمائندوں کے ہمراہ میڈیا سے گفتگو میں مشعال حسین ملک کا کہنا تھا کہ مودی کی پالیسیاں پوری دنیا کے امن کے لیے خطرہ ہیں۔ اگر کلبھوشن کا مقدمہ عالمی عدالت لے جایا جا سکتا ہے تو حکومت یہ مقدمہ بھی وہاں لے کر جا سکتی ہے۔ کشمیری حریت رہنما کے آزاد ہونے تک ہم بھارت سے کوئی ہینڈ شیک قبول نہیں کریں گے۔

یہ بھی پڑھیں: دبئی ائیر شو میں انڈین ایئرفورس کا طیارہ تباہ، بھارتی ایروناٹکس کمپنی کے شیئرز گر گئے

عوامی رابطہ مہم

حریت رہنما یاسین ملک کو بچانے کے لیے نومبر سے عوامی رابطہ مہم کا آغاز کیا ہوا ہے۔ تاریخ میں پہلی بار ہم نے گلی محلے میں جا کر عوام کو یاسین ملک کے حوالے سے تمام تفصیلات سے آگاہ کیا ہے۔ نریندر مودی، اجیت دودل، راہول گاندھی سے مخاطب ہوں کہ یہ ایشو بارود کے ڈھیر پر کھڑا ہے، جس کی وجہ صرف مودی ہے۔ صبر کا پیمانہ لبریز ہو چکا ہے، اگر یہ بارود پھٹ گیا تو اس کا ذمہ دار صرف مودی ہو گا۔

یہ بھی پڑھیں: سعودی عرب میں طوفانی بارش سے تباہی، متعدد عمارتوں کی چھتیں گر گئیں، سکول بند

جوہری خطرات اور بھارتی عزائم

مشعال ملک کا کہنا تھا کہ دونوں ممالک کے پاس جوہری ہتھیار ہیں، ایشیا نیوکلیئر ٹپنگ بم بنا ہوا ہے، اس کا اظہار آرمی چیف نے بھی کیا ہے۔ بھارت سے آوازیں آرہی ہیں کہ مودی ساری ریڈ لائنز کراس کر چکا ہے۔ معرکہ حق میں بھارت کو بدترین شکست ملی، اس کا سارا غصہ مودی اور دودل نے یاسین ملک اور ہمارے خاندان پر اتارا ہے۔ نیتن یاہو اور مودی نے جتنا ظلم کیا، اس کی تاریخ میں مثال نہیں ملتی۔ اگر یہ مسئلہ حل نہ ہوا تو چین اور بنگلہ دیش کا رد عمل آنا ہے اور جو آگ لگنی ہے، وہ کسی سے کنٹرول نہیں ہوگی۔

امریکی معلومات اور دستخطی مہم

انہوں نے کہا کہ فیلڈ مارشل بھی امریکا کو بھارتی عزائم سے آگاہ کر چکے ہیں۔ بھارتی اپوزیشن بھی نریندر مودی پر تنقید کر رہی ہے۔ آر ایس ایس یہ کہنے پر مجبور ہوگئی ہے کہ مودی نے ریڈ لائن عبور کی ہے۔ ہم مارکیٹس اور ہاؤسنگ سوسائٹیوں میں جائیں گے اور یاسین ملک کی رہائی کے لیے دستخطی مہم مکمل کریں گے۔