انٹرنیشنل ختم نبوت موومنٹ کے مرکزی قائدین کا مولانا فضل الرحیم اشرفی کی وفات پر اظہار تعزیت

لاہور (ڈیلی پاکستان آن لائن) انٹر نیشنل ختم نبوت مو ومنٹ ورلڈ کے مرکزی امیر مولانا ڈاکٹر سعید احمد عنایت اللہ، ورلڈ مرکزی سیکرٹری جنرل مولانا ڈاکٹر احمد علی سراج، نائب امیر مولانا عبدالرؤف مکی، مولانا محمد الیاس چنیوٹی، مولانا صاحبزادہ زاہد محمود قاسمی، معاون خصوصی امیر مرکزیہ مولانا محمد بن سعید، مرکزی ترجمان مولانا مجیب الرحمٰن، مولانا قاری محمد طیب عباسی، مولانا محمد امداد اللہ قاسمی، مولانا قاری شبیر احمد عثمانی، مولانا قاری محمد رفیق وجھوی، مولانا افتخار اللہ شاکر اور مولانا غلام یاسین صدیقی نے ملک کے معروف عالم دین، جامعہ اشرفیہ لاہور کے سرپرست و صدر مولانا حافظ فضل الرحیم اشرفی کی وفات پر اظہار تعزیت کرتے ہوئے کہا ہے کہ مرحوم علم و عمل کے پیکر سچے عاشق رسولﷺ اور محافظ ختم نبوت تھے۔ ان کی تمام زندگی اسلام کی اشاعت، دین کی خدمت، درس و تدریس اور وعظ ونصیحت میں گذری۔

غم میں شریک

انٹر نیشنل ختم نبوت مو ومنٹ کے قائدین و کارکنان شخ الحدیث حضرت مولانا حافظ فضل الرحیم اشرفی کی وفات پر ان کے لواحقین وورثاء کے غم میں برا بر کے شریک ہیں۔ دعا ہے اللہ تعالیٰ مرحوم کو جنت الفردوس میں اعلیٰ مقام اور لواحقین کو صبر جمیل اور سکون عطا فرمائے۔