اسلام آباد کو بھی شنگھائی کی طرز پر ڈویلپ کرنا چاہتے ہیں: محسن نقوی
وفاقی وزیر داخلہ کا شنگھائی کا دورہ
شنگھائی(ڈیلی پاکستان آن لائن) وفاقی وزیر داخلہ و نارکوٹکس کنٹرول محسن نقوی نے کہا کہ شنگھائی کی ترقی ہر شہر کے لئے قابل تقلید ہے، اسلام آباد کو بھی شنگھائی کی طرز پر ڈویلپ کرنا چاہتے ہیں۔
یہ بھی پڑھیں: قومی اقتصادی کونسل نے ۴۲۲۴ ارب کے ترقیاتی بجٹ کی منظوری دے دی
اربن پلاننگ ہیڈ کوارٹر کا دورہ
نجی ٹی وی چینل دنیا نیوز کے مطابق وفاقی وزیرداخلہ و نارکوٹکس کنٹرول محسن نقوی نے شنگھائی کے اربن پلاننگ ہیڈ کوارٹر کا دورہ کیا، جہاں شنگھائی اربن پلاننگ کی ہیڈ میڈم چن نے ان کا استقبال کیا اور شنگھائی شہر کی ماسٹر پلاننگ ڈویلپمنٹ اور سہولتوں کے بارے میں تفصیلی بریفنگ دی۔
یہ بھی پڑھیں: بھارتی ریاست آسام میں 7 افراد نے چاقو کی نوک پر 28 سالہ خاتون کو بوائے فرینڈ کے سامنے اجتماعی زیادتی کا نشانہ بنا ڈالا
شہری سہولیات کا معائنہ
وزیر داخلہ محسن نقوی کو شنگھائی میں شہری سہولیات اور ترقی کے تیز رفتار نظام کے بارے میں بریف کیا گیا۔ اس دوران وڈیوز اور ماڈلز کے ذریعے شنگھائی کے ترقی کے سفر اور ماسٹر پلان کے بارے میں بھی آگاہ کیا گیا۔
یہ بھی پڑھیں: پُل سے گرایا گیا 7دن کا بچہ جانور کے کاٹنے کے باوجود زندہ بچ گیا
جدید سہولیات کا جائزہ
محسن نقوی نے شنگھائی کے جدید سہولتوں سے آراستہ سٹیڈیم کا ماڈل بھی دیکھا اور شنگھائی اربن پلاننگ کے تحت معلومات کو جدید طرز پر یکجا کرنے کے نظام میں گہری دلچسپی کا اظہار کیا اور جدید ٹیکنالوجی پر مبنی نظام کی تعریف کی۔
یہ بھی پڑھیں: Panjgur mein 5 mazdooron ka qatal bad tareen buzdili hai, hoslay pust nahi honge: Maryam Nawaz
اسلام آباد کی ترقی کے لئے اقدامات
انہوں نے شنگھائی اربن پلاننگ کے تحت شہر کے نظام کو مربوط اور فول پروف بنانے کے اقدام کو بھی سراہا۔ اس موقع پر محسن نقوی کا کہنا تھا کہ شنگھائی شہر تیز ترین ترقی میں اپنی مثال آپ ہے، شنگھائی کی ترقی ہر شہر کے لئے قابل تقلید ہے، ہم اسلام آباد کو بھی شنگھائی کی طرز پر ڈویلپ کرنا چاہتے ہیں، اور اس کی تیز رفتار ترقی سے استفادہ کرنے کے لئے فوری اقدامات کریں گے۔
یہ بھی پڑھیں: روس کا فوجی طیارہ پہاڑ سے ٹکرا کر تباہ، 29 افراد ہلاک
وزیٹرز بک میں تاثرات
وفاقی وزیر داخلہ محسن نقوی نے وزیٹرز بک میں تاثرات بھی درج کئے۔ وفاقی سیکرٹری داخلہ محمد خرم آغا، چیف کمشنر اسلام آباد محمد علی رندھاوا اور آئی جی اسلام آباد پولیس علی ناصر رضوی بھی اس موقع پر موجود تھے۔
یہ بھی پڑھیں: جو لوگ سگریٹ نہیں پیتے، انہیں بھی پھیپھڑوں کا کینسر کیوں ہوتا ہے؟
شنگھائی سپیشل پولیس فورس بیورو کا دورہ
قبل ازیں وفاقی وزیر داخلہ محسن نقوی نے چین کے شہر شنگھائی میں شنگھائی سپیشل پولیس فورس بیورو کا دورہ کیا، جہاں چیف آف کمانڈنگ سینٹر سپیشل پولیس فورس بیورو نے ان کا خیر مقدم کیا۔
پیشہ ورانہ مہارت کا مظاہرہ
وزیر داخلہ نے سپیشل فورس کی پیشہ وارانہ مہارت، تربیت اور مارشل آرٹ کا مظاہرہ دیکھا۔ محسن نقوی نے کہا کہ شنگھائی سپیشل پولیس فورس اور اسلام آباد پولیس فورس کے درمیان باہمی تعاون کو مضبوط بنایا جائے گا، شنگھائی سپیشل پولیس فورس کی تربیت کا اعلیٰ معیار قابل تحسین ہے۔
