شادی کے وقت شاہ رخ خان کا نام بدل کر کونسا ہندو نام رکھا تھا؟ بیوی گوری نے بڑا انکشاف کردیا

گوری خان کا انکشاف

ممبئی (ویب ڈیسک) بالی ووڈ اداکار شاہ رخ خان کی اہلیہ گوری خان نے اپنے شوہر کے اصل نام کے حوالے سے بڑا انکشاف کیا ہے۔

یہ بھی پڑھیں: وفاقی دارالحکومت میں سرکاری مکانات ختم کرنے کی تجویز آ گئی

شادی کی ہچکچاہٹ

نجی ٹی وی آج نیوز کے مطابق بالی ووڈ کے مسلمان اداکار شاہ رخ خان کے ساتھ رشتہ ازدواج میں منسلک ہونے والی گوری خان نے ایک انٹرویو کے دوران کہا کہ ابتدا میں ان کے والدین ہچکچاہٹ کا شکار تھے کیونکہ ان کی بیٹی بین المذاہب شادی کرنے کی خواہش مند تھی۔

یہ بھی پڑھیں: بھارتی بلائنڈ کرکٹ ٹیم پاکستان آنے کو تیار، این او سی جاری

نام کا انتخاب

اسی ہچکچاہٹ کو دور کرنے کی جدوجہد کے بارے میں بات کرتے ہوئے گوری خان نے بتایا کہ ’ہم نے شاہ رخ خان کا نام ”ابھینو“ رکھا تاکہ میرے والدین انہیں ہندو لڑکے کے طور پر دیکھیں، لیکن یہ واقعی بچگانہ اور بے وقوفی تھی۔‘ انہوں نے یہ بھی بتایا کہ شادی کے وقت میرے خاندان میں کئی لوگوں کو یہ فکر تھی کہ کہیں شاہ رخ مجھ پر اسلام قبول کرنے کے لیے دباؤ نہ ڈال دیں۔

یہ بھی پڑھیں: کراچی: طلائی زیورات پہنے لڑکی کی تشدد زدہ لاش برآمد

شادی کی عمر

واضح رہے کہ جب گوری نے 1991 میں شادی کی تھی تو وہ محض 21 برس کی تھیں جبکہ شاہ رخ 26 سال کے تھے۔

یہ بھی پڑھیں: اسلام آباد ہائیکورٹ: 21 سے 25 اکتوبر تک کیسز کی سماعت کیلئے ججز ڈیوٹی روسٹر جاری

مذہب کا احترام

اپنے مذہب تبدیل نہ کرنے کے فیصلے کے بارے میں بات کرتے ہوئے گوری نے ایک انٹرویو میں مزید یہ بھی کہا کہ ’میں شاہ رخ خان کے مذہب کا احترام کرتی ہوں، لیکن اس کا مطلب یہ نہیں کہ میں اپنا مذہب تبدیل کروں گی۔ میرا ماننا ہے کہ ہر شخص کو اپنے عقیدے پر عمل کرنا چاہیے، اور ایک دوسرے کا احترام ہونا چاہیے۔ اسی طرح دیوالی کے موقع پر میں پوجا کی قیادت کرتی ہوں، اور پورا خاندان میرے پیچھے چلتا ہے۔ عید کے موقع پر شاہ رخ قیادت کرتے ہیں اور ہم ان کی پیروی کرتے ہیں‘۔

فیملی کی پریشانی

گوری کا مزید کہنا تھا کہ شاہ رخ کبھی میرے مذہب کی بے حرمتی نہیں کریں گے۔ لیکن میری والدہ اب بھی اس صورت حال سے پریشان ہوتی ہیں، جب آریان انہیں کہتا ہے کہ ’میں مسلمان ہوں‘۔