پاکستان کے زرمبادلہ ذخائر میں نمایاں اضافہ ریکارڈ، ملکی ڈالر ریزرو 45 ماہ کی بلند ترین سطح پر پہنچ گئے

پاکستان کے زرمبادلہ ذخائر میں اضافہ

اسلام آباد(ڈیلی پاکستان آن لائن) پاکستان کے زرمبادلہ ذخائر میں نمایاں اضافہ ریکارڈ کیا گیا ہے اور ملکی ڈالر ریزرو 45 ماہ کی بلند ترین سطح پر پہنچ گئے ہیں۔ اسٹیٹ بینک کے مطابق ایک ہفتے کے دوران ملک کے مجموعی زرمبادلہ ذخائر میں 18 کروڑ ڈالر کا اضافہ ہوا ہے۔

یہ بھی پڑھیں: پاکستان سپر لیگ کے لیے نئی فرنچائزز کی بیس پرائز کیا ہوگی؟ تفصیلات سامنے آگئیں۔

سرکاری ڈالر ذخائر میں بہتری

اسٹیٹ بینک کا کہنا ہے کہ فروری 2022 کے بعد پہلی بار سرکاری ڈالر ذخائر دوبارہ 16 ارب ڈالر سے تجاوز کر گئے ہیں۔ اعداد و شمار کے مطابق پاکستان کے مجموعی ڈالر ذخائر کا مالی حجم 21 ارب 20 کروڑ ڈالر تک پہنچ گیا ہے۔

یہ بھی پڑھیں: بھارت نے پانی روکنے کے لیے کوئی سٹرکچر بنایا، تو تباہ کر دیا جائے گا: حنا پرویز بٹ کا سیمینار سے خطاب

مرکزی بینک اور کمرشل بینک کے ذخائر

مرکزی بینک کے پاس موجود ڈالر ریزرو میں 14 کروڑ ڈالر کا اضافہ ہوا جس کے بعد یہ بڑھ کر 16 ارب 10 کروڑ ڈالر ہو گئے، جبکہ کمرشل بینکوں کے ڈالر ڈپازٹس میں بھی 4 کروڑ ڈالر کا اضافہ ریکارڈ کیا گیا اور یہ بڑھ کر 5 ارب 10 کروڑ ڈالر تک پہنچ گئے۔

امداد کی صورت حال

ماہرین کے مطابق موجودہ ذخائر پاکستان کی تقریباً تین ماہ کی درآمدات کے برابر ہو گئے ہیں۔