طارق رحمان بنگلہ دیش نیشنلسٹ پارٹی کے چیئرمین مقرر

بی این پی کی نئی قیادت کا فیصلہ

ڈھاکہ (مانیٹرنگ ڈیسک) بنگلہ دیش نیشنلسٹ پارٹی (بی این پی) کی قائمہ کمیٹی نے طارق رحمان کی بطور پارٹی چیئرمین تقرری کی منظوری دیدی۔

اجلاس کی تفصیلات

’’جنگ‘‘ کے مطابق یہ فیصلہ پارٹی کے گلشن دفتر میں منعقدہ اجلاس میں کیا گیا۔ طارق رحمان 17 سالہ جلاوطنی کے بعد گزشتہ ماہ لندن سے وطن واپس لوٹے ہیں۔

خالدہ ضیاء کا انتقال

ان کی واپسی کے صرف 5 دن بعد 30 دسمبر کو ان کی والدہ خالدہ ضیاء جو سابق وزیرِ اعظم اور بی این پی کے بانی ضیاءالرحمان کی اہلیہ بھی تھیں، طویل علالت کے بعد انتقال کر گئیں۔

نئی قیادت کی منظوری

بی این پی کی قائمہ کمیٹی نے خالدہ ضیاء کے انتقال کے بعد اب ان کے جانشین بیٹے کی پارٹی چیئرمین کے طور پر منظوری دیدی ہے۔ طارق رحمان اب خالدہ ضیاء کے صرف جانشین نہیں بلکہ 12 فروری کو متوقع انتخابات کی طرف بڑھتی ہوئی بی این پی کے بلاشرکت غیرے قائد بن چکے ہیں۔