عمران خان کی صحت سے متعلق تشویشناک خبریں موصول ہو رہی ہیں: بیرسٹر سیف

عمران خان کی صحت کی تشویش

پشاور (ڈیلی پاکستان آن لائن) مشیر اطلاعات خیبرپختونخوا بیرسٹر ڈاکٹر سیف نے کہا ہے کہ بانی پی ٹی آئی عمران خان کی صحت سے متعلق تشویشناک خبریں موصول ہو رہی ہیں۔

یہ بھی پڑھیں: تاریخی کہانیوں کے اوراق الٹتے ہوئے ہم فرعون کے مقبرے کے مرکزی دروازے پر جا پہنچے، دھوپ سے یکدم اندھیرے میں آنے کی وجہ سے کچھ نظر نہ آیا.

ملاقاتوں پر پابندی

اپنے ایک بیان میں بیرسٹر سیف کا کہنا تھا کہ عمران خان سے ملاقاتوں پر پابندی سے کارکنان میں انتہائی تشویش ہے۔ انہوں نے سوال اٹھایا کہ حراست میں شخص سے ملاقاتوں پر پابندی کیوں عائد کی گئی ہے، جبکہ ہمارے ریسکیو اور پولیس اہلکاروں کو بھی غیر قانونی حراست میں رکھا جا رہا ہے۔

یہ بھی پڑھیں: وکلاء کے وفود ملنے آتے، انسان کسی عہدے یا دولت سے نہیں کردار سے بڑا بنتا ہے،”ہار کی”خفت“ دھاندلی کا نام لے کر نیا انتشار جنم دیتی ہے۔

تشدد کے واقعات

انہوں نے مزید کہا کہ زیر حراست سرکاری اہلکاروں اور پی ٹی آئی ورکرز پر تشدد کیا جا رہا ہے، اور تشدد کی تصدیق کے بعد ذمہ دار اہلکاروں کو نشان عبرت بنایا جائے گا۔

وفاقی حکومت کے اقدامات

صوبائی مشیر اطلاعات نے بتایا کہ وفاقی حکومت نے کے پی ہاوس اسلام آباد میں بھی توڑ پھوڑ کی ہے۔ اس قسم کے اقدامات ناقابل برداشت ہیں اور یہ فیڈریشن پر حملہ ہیں۔ انہوں نے خبردار کیا کہ صوبے سے تعلق رکھنے والوں پر تشدد ہوا تو جواب دیا جائے گا۔