ملک میں سردی کی شدید لہر جاری، ہنزہ میں پارہ منفی 20 ڈگری ریکارڈ

سخت سردی کی لہر

گلگت (ڈیلی پاکستان آن لائن) ملک بھر میں شدید ٹھنڈ کی لہر جاری ہے اور ہنزہ میں پارہ منفی 20 ڈگری تک پہنچ گیا۔

یہ بھی پڑھیں: گھٹنے کی انجری سنجیدہ نوعیت کی نہیں، جلد صحتیاب ہو جاؤں گا اور اگلے ہفتے سے بولنگ شروع کر دوں گا، شاہین آفریدی

درجہ حرارت کی رپورٹ

عالمی موسمی ویب سائٹ کے مطابق ہنزہ میں کم سے کم منفی 20 ڈگری ریکارڈ کیا گیا، اتوار کی صبح سویرے کوئٹہ میں کم سے کم درجہ حرارت منفی ایک ریکارڈ کیا گیا۔

اس کے علاوہ اسلام آباد میں 2 ڈگری، لاہور میں 3، پشاور میں 4 اور کراچی میں 7 ڈگری ریکارڈ کیا گیا۔

یہ بھی پڑھیں: شوکت خانم ہسپتال کا عمران خان کی صحت پر تشویش کا اظہار، طبی ٹیم کی رسائی کا مطالبہ

زندگی متاثر ہورہی ہے

ادھر گلگت بلتستان کے علاقوں ہنزہ اور استور کے بالائی علاقوں میں خون جماتی سردی ہے جس کے باعث نظامِ زندگی متاثر ہورہا ہے۔

یہ بھی پڑھیں: ملک کے چند مقامات پر تیز ہواؤں اور گرج چمک کے ساتھ بارش کی توقع

تعلیمی اداروں کے اوقات کار میں تبدیلی

دوسری جانب وزیر تعلیم سندھ نے سردی کے باعث اسکولوں میں آمد کے اوقات کار تبدیل کردیئے، سرکاری اور نجی سکول صبح 9 بجے کھولے جائیں گے۔ نوٹیفکیشن میں کہا گیا ہے کہ فیصلے کا اطلاق پیر سے 26 جنوری تک رہے گا۔

پنجاب میں تعطیلات میں توسیع

علاوہ ازیں پنجاب میں بھی تعلیمی اداروں کی تعطیلات میں توسیع کا فیصلہ کیا گیا ہے، ترجمان وزارت تعلیم پنجاب نے کہا ہے کہ عوام سے مشاورت کے بعد اب تعلیمی ادارے 19 جنوری سے کھلیں گے۔