ندا یاسر کے وائرل نیو ایئر لک پر نازیہ ملک نے کیا کہا؟
نازیہ ملک کی رائے
لاہور(ڈیلی پاکستان آن لائن)معروف پاکستانی میزبان، میک اپ آرٹسٹ، اداکارہ اور ڈیجیٹل کریئیٹر نازیہ ملک نے حال ہی میں ندا یاسر کے وائرل نیو ایئر لک پر اپنی رائے کا اظہار کرتے ہوئے سوشل میڈیا سیلیبریٹیز کے لیے اہم مشورہ دیا ہے۔
یہ بھی پڑھیں: بابا صدیقی کے قتل اور ممبئی انڈر ورلڈ: لارنس بشنوئی گینگ سے منسلک گرفتار ملزمان کی تفصیلات کیا ہیں؟
شوبز کی شروعات
روزنامہ جنگ کے مطابق نازیہ ملک نے شوبز کی دنیا میں اپنے کیریئر کا آغاز ٹی وی کمرشلز، ڈراموں اور ہوسٹنگ سے کیا، وہ مختلف ٹی وی چینلز پر نشریات کی میزبانی کر چکی ہیں، جیو ٹی وی پر شیف محبوب کے ساتھ ان کا مشہور کوکنگ شو ’کسان لذت کی جان‘ ناظرین میں خاصا مقبول رہا۔
یہ بھی پڑھیں: پنجاب سے بلوچستان جانے والے افراد کی شناخت جو جان کے لیے خطرہ بن گئی
اداکاری کا سفر
اس کے علاوہ، وہ کئی ڈرامہ سیریلز، لانگ پلے اور ٹیلی فلمز میں بھی اداکاری کر چکی ہیں۔ نازیہ ملک ایک فیشن ڈیزائنر اور برطانیہ سے سرٹیفائیڈ میک اَپ آرٹسٹ بھی ہیں۔ آج کل وہ ٹک ٹاک پر خاصی متحرک ہیں جہاں وہ موجودہ حالات پر اپنی رائے کا اظہار کرتی رہتی ہیں۔
یہ بھی پڑھیں: وزیر اعلیٰ مریم نواز کی اوساکا میں ایکسپو ایسوسی ایشن کے منتظم اعلیٰ اکی نوکی ماناٹسو سے ملاقات
ندا یاسر کی تنقید پر خیالات
حال ہی میں نازیہ ملک نے ایک شو میں بطور مہمان شرکت کی، جہاں انہوں نے ندا یاسر کے نیو ایئر لک سے متعلق ہونے والی تنقید پر گفتگو کی۔
یہ بھی پڑھیں: پاکستان اور بھارت 41 سال میں پہلی مرتبہ ایشیاء کپ کے فائنل میں آمنے سامنے ہوں گے
خاندانی لمحے کی اہمیت
اس موقع پر ان کا کہنا تھا کہ ندا یاسر کی ویڈیو ایک خاندانی لمحے پر مشتمل تھی، جو مجھے ذاتی طور پر اچھی اور پیاری لگی۔ ندا اپنے اہلِ خانہ کے ساتھ وقت گزار رہی تھیں اور ویڈیو میں کوئی غیر مناسب بات نہیں تھی، میرے نزدیک ندا کا لباس بھی زیادہ بولڈ نہیں تھا بلکہ یہ ایک عام سی ویڈیو تھی۔
یہ بھی پڑھیں: یحییٰ السنوار: غزہ میں ہلاک ہونے والے حماس کے رہنما کون تھے؟
سوشل میڈیا سیلیبریٹیز کے لیے مشورہ
تاہم نازیہ ملک نے سوشل میڈیا پر سرگرم معروف شخصیات کو مشورہ دیتے ہوئے کہا کہ ڈیجیٹل کریئیٹرز اور سیلیبریٹیز کو چاہیے کہ وہ اپنے ساتھ اچھا فوٹوگرافر اور ویڈیوگرافر رکھیں اور پروفیشنل انداز اپنائیں، ندا یاسر کی یہ ویڈیو ایک سیلیبلیٹی اسٹینڈرڈ کے بجائے ایک عام ویڈیو لگ رہی تھی۔
یہ بھی پڑھیں: پاکستان کی برتری دنیا کی فضائی افواج کیلئے سبق کا کام کرے گی، برطانوی میڈیا کا ایسا دعویٰ کہ آپ کا بھی فخر سے سینہ چوڑا ہوجائے
معیاری مواد کی ضرورت
نادیہ ملک نے مزید کہا کہ میں بڑے پیمانے پر سوچتی ہوں اور میرے خیال میں سیلیبریٹیز کا کنٹینٹ ہمیشہ اعلیٰ معیار کا ہونا چاہیے۔
عائشہ عمر کی مثال
انہوں نے اداکارہ عائشہ عمر کی مثال دیتے ہوئے کہا کہ وہ اپنی تصاویر اور سوشل میڈیا پوسٹس میں پروفیشنلزم کا خاص خیال رکھتی ہیں، جو قابلِ تعریف ہے۔
