سندھ حکومت اپنے آپ کو پنجاب کی حکومت ثابت کرنے پر تلی ہوئی ہے لیکن جلسہ ہر صورت ہوگا، شفیع جان

سی ایم خیبرپختونخوا کے مشیر کی اہم گفتگو

پشاور (ڈیلی پاکستان آن لائن) وزیراعلیٰ خیبرپختونخوا کے مشیر شفیع جان کا کہنا ہے کہ سندھ حکومت پنجاب حکومت بن گئی ہے۔ جلسہ گاہ میں شیلنگ شروع کردی گئی ہے۔ جلسہ ہر صورت ہوگا۔ جانوں پر کھیل کر قائد عمران خان کا پیغام کراچی کے سامنے رکھیں گے۔ کراچی فیصلہ کر چکا ہے کہ آج وزیراعلیٰ سہیل آفریدی کی قیادت میں آزادی چھیننی ہے۔

یہ بھی پڑھیں: صلح کریں یا بیرون ملک بھاگ جائیں، پنجاب کی تاریخ کا سب سے بڑا آپریشن شروع، ویڈیو

عوام کا عزم اور مزاحمت

اپنے ایکس بیان میں انہوں نے کہا کہ کراچی کے غیور عوام کو سمجھنا ہوگا کہ آج آپکی مزاحمت اور چند کلو میٹر پیدل سفر آپ کو ہمیشہ کی غلامی سے نجات دلوا سکتی ہے۔ قوموں کی تاریخ میں اس قسم کے مواقع بہت کم میسر آتے ہیں۔ آج اڈیالہ میں بند ببر شیر کراچی کی طرف دیکھ رہا ہے اور اس کا اوپننگ بیٹسمین وزیراعلیٰ سہیل آفریدی کراچی کے سڑکوں پر آپ کے ساتھ ہے۔

سماجی میڈیا پر بیان

کراچی کے غیور عوام کو سمجھنا ہوگا کہ آج آپکی مزاحمت اور چند کلو میٹر پیدل سفر آپکو ہمیشہ کی غلامی سے نجات دلوا سکتی ہے۔ قوموں کی تاریخ میں اس قسم کے مواقع بہت کم میسر آتے ہیں۔ آج اڈیالہ میں بند ببر شیر کراچی کے طرف دیکھ رہا ہے اور اس کا اوپننگ بیٹسمین سی ایم سہیل آفریدی کراچی…

— Shafi Jan (@ShafiJanPTI) January 11, 2026