لاہور میں بسنت کی تیاریاں، 23 اہم شاہراہوں کو بسنتی رنگوں سے سجایا جائے گا
بسانت کی تیاریوں کا آغاز
لاہور (ڈیلی پاکستان آن لائن) شہر میں بسنت کی تیاریاں عروج پر پہنچ گئیں، شہر کو بسنتی رنگوں سے سجانے کے انتظامات مکمل کیے جا رہے ہیں۔ ای بز پورٹل پر پتنگ فروشوں، مینوفیکچررز اور ٹریڈرز کی رجسٹریشن کا عمل جاری ہے۔
یہ بھی پڑھیں: ٹیکس بار انتخابات: محمد آصف رانا صدر، اسد حنیف سیکرٹری منتخب
درخواستوں کا جائزہ
ای بز پورٹل رپورٹ کے مطابق مجموعی طور پر 993 درخواستیں موصول ہوئیں، جن میں سے 650 منظور کر لی گئیں، 58 درخواستیں مسترد جبکہ 284 درخواستوں کا فیلڈ سروے جاری ہے۔ پتنگ اور ڈور کی فروخت کے لیے 530 درخواستوں میں سے 340 منظور کی گئیں، جبکہ 218 پتنگ سازوں کو پتنگ اور ڈور بنانے کی اجازت دی گئی ہے۔
یہ بھی پڑھیں: مسلم ٹاؤن موڑپر پتنگ کی ڈور پھرنے سے موٹر سائیکل سوار زخمی، وزیر اعلیٰ پنجاب کا اظہار برہمی ، رپورٹ طلب کر لی
سڑکوں کی تزئین و آرائش
انتظامیہ کے مطابق لاہور کی 23 اہم شاہراہوں کو بسنتی رنگوں سے سجایا جائے گا۔ راوی ٹول پلازہ، جی ٹی روڈ، پائن ایونیو، نیازی انٹرچینج، آزادی چوک، سرکلر گارڈن، شاہراہ قائداعظم، شادمان اور ایم ایم عالم روڈ سمیت دیگر اہم سڑکوں پر بسنت کی بہار نظر آئے گی۔
یہ بھی پڑھیں: کراچی: لانڈھی ایکسپورٹ پراسیسنگ زون میں لگی آگ پر قابو پالیا گیا، کولنگ کا عمل جاری
موسیقی اور سرگرمیاں
بسنت کے موقع پر ساؤنڈ سسٹم ایکٹ میں بھی نرمی کی جائے گی، جس کے تحت شہری پتنگ بازی کے ساتھ بلند آواز موسیقی سے بھی لطف اندوز ہو سکیں گے۔
پتنگ فروشوں کو اجازت
انتظامیہ کا کہنا ہے کہ رجسٹرڈ پتنگ اور ڈور سازوں کو 30 دسمبر سے تیاری جبکہ پتنگ فروشوں کو یکم فروری سے فروخت کی اجازت دے دی گئی ہے۔
