ملک بھر کے بجلی صارفین کے لیے یکساں بجلی ٹیرف نافذ کرنے کا فیصلہ کر لیا گیا

بجلی ٹیرف کا یکساں نظام

اسلام آباد(ڈیلی پاکستان آن لائن)ملک بھر کے بجلی صارفین کے لیے یکساں بجلی ٹیرف نافذ کرنے کا فیصلہ کر لیا گیا ہے۔ نیشنل الیکٹرک پاور ریگولیٹری اتھارٹی (نیپرا) نے وفاقی حکومت کی درخواست پر اس حوالے سے باضابطہ فیصلہ جاری کر دیا ہے۔ نیپرا کے مطابق کے الیکٹرک اور تمام ڈسکوز کے لیے بجلی کا یکساں ٹیرف لاگو ہوگا، جبکہ ملک بھر کے صارفین کے لیے بنیادی ٹیرف برقرار رکھا جائے گا۔

یہ بھی پڑھیں: اینٹی نارکوٹکس فورس کا کارروائی، 75 لاکھ روپے سے زائد مالیت کی 76 کلو منشیات برآمد

گھریلو صارفین کے لیے ٹیرف

فیصلے کے تحت گھریلو صارفین کے لیے بجلی کا زیادہ سے زیادہ ٹیرف 47 روپے 69 پیسے فی یونٹ برقرار رہے گا۔ ایک سے 100 یونٹ تک بجلی استعمال کرنے والے پروٹیکٹڈ صارفین کے لیے ٹیرف 10 روپے 54 پیسے فی یونٹ برقرار رکھنے کا فیصلہ کیا گیا ہے۔ اسی طرح 101 سے 200 یونٹ تک بجلی استعمال کرنے والے پروٹیکٹڈ صارفین کے لیے ٹیرف 13 روپے 01 پیسے فی یونٹ برقرار رکھنے کی تجویز دی گئی ہے، جبکہ ایک سے 100 یونٹ تک بجلی استعمال کرنے والے نان پروٹیکٹڈ گھریلو صارفین کے لیے ٹیرف 22 روپے 44 پیسے فی یونٹ برقرار رکھا گیا ہے۔

یہ بھی پڑھیں: شوہر کے ساتھ گھومنے نکلی نئی نویلی دلہن کو اجتماعی زیادتی کا نشانہ بنا دیا گیا.

ماہانہ ٹیرف کی تفصیلات

ماہانہ 101 سے 200 یونٹ تک کا ٹیرف 28.91 روپے فی یونٹ، ماہانہ 201 سے 300 یونٹ کا ٹیرف 33.10 روپے، ماہانہ 301 سے 400 یونٹ کا ٹیرف 37.99 روپے، ماہانہ 401 سے 500 یونٹ کا ٹیرف 40.22 روپے، ماہانہ 501 سے 600 یونٹ کا ٹیرف 41.62 روپے، ماہانہ 601 سے 700 یونٹ کا ٹیرف 42.76 روپے، اور ماہانہ 700 یونٹ سے زیادہ کا ٹیرف 47.69 روپے برقرار رہے گا۔

لائف لائن صارفین کے لیے ٹیرف

نیپرا کے مطابق ماہانہ 50 یونٹ تک کے گھریلو لائف لائن صارفین کے لیے 3.95 روپے کا ٹیرف برقرار رہے گا، اور ماہانہ 51 سے 100 یونٹ تک لائف لائن صارفین کے لیے ٹیرف 7.74 روپے برقرار رہے گا۔ نیپرا نے سال 2026 کے لیے بجلی کے بنیادی ٹیرف میں کمی کی منظوری دی تھی اور فیصلہ یکساں ٹیرف کی درخواست کے لیے وفاقی حکومت کو بھجوایا تھا۔ نیپرا نے بجلی کے بنیادی ٹیرف میں 62 پیسے فی یونٹ کمی کی منظوری دی تھی۔