بنوں: امن کمیٹی پر دہشت گردوں کی فائرنگ سے 4 افراد جاں بحق

بنوں(ڈیلی پاکستان آن لائن) بنوں میں امن کمیٹی پر دہشتگردوں کی فائرنگ سے 4 افراد جاں بحق ہوگئے۔

تفصیلات

نجی ٹی وی چینل دنیا نیوز کے مطابق پولیس کا کہنا ہے کہ بنوں میں ہوید کے علاقے میں امن کمیٹی ممبران پر دہشتگردوں نے فائرنگ کی۔ امن کمیٹی کے ممبران گلبدین لنڈائی ڈاک میں جرگے سے واپس آرہے تھے جب گھات لگائے دہشتگردوں نے ان پر اندھا دھند فائرنگ کردی۔ اس کے نتیجے میں 4 افراد جاں بحق ہوگئے۔

جاں بحق افراد کی شناخت

پولیس کی جانب سے مزید بتایا گیا ہے کہ دہشت گردی کے اس واقعہ میں جاں بحق ہونے والوں میں باپ بیٹا بھی شامل ہیں۔

سرچ آپریشن

پولیس نے واقعہ کے بعد علاقے کو گھیرے میں لے کر سرچ آپریشن شروع کردیا جبکہ جاں بحق افراد کی لاشیں ڈسٹرکٹ ہیڈ کوارٹر ہسپتال منتقل کردی گئی ہیں۔