سعودی شہزادی ہند بنت سعود بن عبدالعزیز آل سعود انتقال کر گئیں

انتقال کی خبر

ریاض(ڈیلی پاکستان آن لائن) سعودی عرب کی شہزادی ہند بنت سعود بن عبدالعزیز آل سعود انتقال کر گئیں۔ سعودی خبر رساں ادارے کے مطابق شاہی دیوان نے شہزادی کے انتقال کا باضابطہ اعلان کیا۔ جس کے مطابق شہزادی ہند بنت سعود بن عبدالعزیز کا انتقال مملکت سے باہر ہوا۔

یہ بھی پڑھیں: اقوام عالم دہشت گردی کے خلاف جنگ میں بلاتاخیر پاکستان کا ساتھ دے: محسن نقوی

نماز جنازہ کی تفصیلات

شہزادی کی نماز جنازہ بدھ 14 جنوری کو بعد نماز عصر ریاض کی امام ترکی بن عبداللہ مسجد میں ادا کی جائے گی۔ شاہی دیوان نے مرحومہ کے لیے مغفرت اور درجات کی بلندی جبکہ لواحقین کے لیے صبر جمیل کی دعا کی۔

شاہی خاندان کا صدمہ

واضح رہے کہ گزشتہ ماہ بھی سعودی شاہی خاندان کو ایک اور صدمے کا سامنا کرنا پڑا تھا۔ جب شہزادہ مشعل بن بدر بن سعود بن عبدالعزیز آل سعود کی والدہ انتقال کر گئی تھیں۔ ان کی نماز جنازہ بھی ریاض کی جامع مسجد امام ترکی بن عبداللہ میں ادا کی گئی تھی اور انہیں مقامی قبرستان میں سپرد خاک کیا گیا تھا۔