خو اجہ سراؤں کے بھیک مانگنے کی حوصلہ شکنی کی جائے والدین اور لواحقین کو قانوناً پابند کیا جائے کہ انہیں ہنر مند بنائیں اور جائیداد میں وراثتی حصہ دیں

سیمینار کی تفصیلات

مصنف: رانا امیر احمد خاں
قسط: 276
عنوان: “گداگرمافیا۔ محرکات و انسداد“

یہ بھی پڑھیں: جنوبی ایشیا میں اسٹریٹیجک استحکام کے لیے مسئلہ کشمیر کا پرامن حل ضروری، پاکستان کو کبھی بھی دباؤ میں نہیں لایا جا سکتا: فیلڈ مارشل سید عاصم منیر

سیمینار کی اہمیت

سٹیزن کونسل آف پاکستان کے زیر اہتمام ہمدرد فاؤنڈیشن ہال میں منعقدہ سیمینار بعنوان "گداگری مافیا۔ محرکات و انسداد" میں مقررین نے عوام الناس سے اپیل کی کہ وہ پیشہ ور گداگروں کو بھیک دینا بند کر دیں۔ صرف جان پہچان والے مستحقین کی مالی امداد کریں۔ علاوہ ازیں، عوامی خدمات انجام دینے والے اداروں کو اپنے عطیات اور زکوٰۃ ادا کرنے کی ترغیب دی گئی۔

یہ بھی پڑھیں: وزیرِ اعظم کی ہدایت پر امیر طبقے کی لگژری گاڑیوں میں استعمال ہونے والے ہائی آکٹین فیول پر موجودہ لیوی 100 روپے فی لیٹر سے بڑھا کر 300 روپے فی لیٹر کر دی گئی

حکومتی اقدامات کی ضرورت

چاروں صوبائی حکومتوں سے اپیل کی گئی کہ وہ انسداد گداگری کے قانون کو مؤثر بنانے اور قانون پر عمل درآمد کو یقینی بنایا جائے۔ صوبائی حکومتیں گداگری مافیا کا سراغ لگائیں اور ذمہ داروں کو قرار واقعی سزائیں دلوا کر گداگری مافیا کی مکمل بیخ کنی کریں۔

یہ بھی پڑھیں: سینیٹ کی قائمہ کمیٹی خزانہ نے سالانہ 12لاکھ آمدن پر ٹیکس صفر کرنے کی سفارش کردی

معذور افراد کی بحالی

معذور افراد اور مستحقین کو ہنرمند بنانے کے لیے ضلعی سطح پر مراکز بحالی قائم کرنے کی ضرورت ہے۔ ہر سال یوم انسداد گداگری بھی منایا جائے۔ خواجہ سراؤں کے بھیک مانگنے کی بھی حوصلہ شکنی کی جائے اور ان کے والدین کو قانوناً پابند کیا جائے کہ وہ خواجہ سراؤں کو تعلیمی اور ہنر مند بنائیں۔

یہ بھی پڑھیں: ایران کی یونیورسٹی میں احتجاجاً اپنے کپڑے اتارنے والی لڑکی گرفتار

بھیک مانگنے کی ناپسندیدگی

سیمینار میں مقررین نے اظہار خیال کرتے ہوئے کہا کہ "دنیا بھر کے مہذب انسان دوسروں کے آگے ہاتھ پھیلانے، بھیک مانگنے کو ناپسندیدہ قرار دیتے ہیں۔" بھیک مانگنا انسانیت کی توہین اور عزت نفس کو مٹی میں ملانے کے مترادف ہے۔

یہ بھی پڑھیں: 15 سالہ لڑکے کے ہاتھ میں ویپ پھٹ گیا، شدید زخمی، انگلیاں کاٹنی پڑ گئیں

قرارداد کی پاسداری

اجلاس میں متفقہ طور پر قرارداد پاس کی گئی جس میں کہا گیا ہے کہ ملک سے گداگری کی لعنت کو ختم کرنے کے لیے اس کے پسِ پردہ جرائم پیشہ مافیا کو جڑ سے اکھاڑنا ضروری ہے۔

یہ بھی پڑھیں: میوبرادری کی شادی، 50 ہزار لوگوں کو کھانا کھلایا گیا، 5 دن مہندیاں ہوئیں، 10 دن شادی چلی، موبائل، سوٹ اور بہت کچھ لٹایا گیا

مقررین کی فہرست

سیمینار میں فہمیدہ مشتاق صوبائی سیکرٹری سماجی بہبود حکومت پنجاب مہمان خصوصی تھیں جبکہ دیگر مقررین میں شامل ہیں: پروفیسر بشریٰ ناہید، چودھری فیض نعیم وڑائچ، فرح زیبا، ایم اکرام چودھری، محمد سلیم چوہدری، رانا سید احمد، شاہینہ کوثر، ڈاکٹر محی الدین، ڈاکٹر پروفیسر محمد اکبر چوہدری، شاہد رانا ایڈووکیٹ اور میجر جنرل (ر) راحت لطیف۔

یہ بھی پڑھیں: پریذیڈنٹ ون ڈے کپ، ایس این جی پی ایل، ایشال ایسوسی ایٹس اور سٹیٹ بینک کی کامیابی

سیشن کی قیادت

سیمینار کی صدارت کونسل کے صدر رانا امیر احمد خاں ایڈووکیٹ نے کی جبکہ نظامت کے فرائض معروف شاعر، ادیب اور قانون دان ظفر علی راجا نے انجام دئیے۔

(جاری ہے)

نوٹ

یہ کتاب “بک ہوم” نے شائع کی ہے (جملہ حقوق محفوظ ہیں)۔ ادارے کا مصنف کی آراء سے متفق ہونا ضروری نہیں۔