ٹرمپ کے ایرانی مظاہرین کے لیے پیغام پر ایران کا ردعمل آ گیا

ایران کا ٹرمپ کے پیغام پر ردعمل

تہران (مانیٹرنگ ڈیسک) امریکہ کے صدر ڈونلڈ ٹرمپ کے ایرانی مظاہرین کے لیے پیغام پر ایران نے ردعمل کا اظہار کیا ہے۔

یہ بھی پڑھیں: ایس سی او: بھارتی وزیر دفاع کانفرنس کا مشترکہ اعلامیہ دیکھ کر تلملا گئے، دستخط سے انکار

ایرانی اعلیٰ قومی سلامتی کونسل کا بیان

’’جنگ‘‘ کے مطابق تہران سے عرب میڈیا کے مطابق ایرانی اعلیٰ قومی سلامتی کونسل کے سربراہ علی لاریجانی نے ٹرمپ کو جواب دیتے ہوئے کہا ہے کہ ’’ہم ٹرمپ اور نیتن یاہو کو ایرانی عوام کا مرکزی قاتل نامزد کرتے ہیں۔‘‘

ٹرمپ کا پیغام اور مظاہرین کی حمایت

عرب میڈیا کے مطابق امریکی صدر ٹرمپ نے پیغام میں ایرانی مظاہرین کو قاتلوں کے نام محفوظ کرنے کا کہا تھا۔ سوشل میڈیا پر ایک بیان میں امریکی صدر ڈونلڈ ٹرمپ نے کہا تھا کہ ایرانی محب وطن احتجاج جاری رکھیں، اپنے اداروں کا کنٹرول سنبھالیں۔ مظاہرین کے قاتلوں اور ظالموں کے نام محفوظ کرلیں، انہیں بھاری قیمت چکانا ہوگی۔