یہ اڈیالہ جیل ہے، زمان پارک یا پاکپتن کا پیر خانہ نہیں، جہاں ہر ہفتے چند کرائے کے لوگوں کے ساتھ تماشا لگایا جاتا ہے، عظمیٰ بخاری

وزیر اطلاعات پنجاب کا بیان

لاہور (ڈیلی پاکستان آن لائن) وزیر اطلاعات پنجاب عظمیٰ بخاری کا کہنا ہے یہ اڈیالہ جیل ہے زمان پارک یا پاکپتن کا پیر خانہ نہیں، جہاں ہر ہفتے بمعہ اہل و عیال اور چند کرائے کے لوگوں کے ساتھ تماشا لگایا جاتا ہے۔

یہ بھی پڑھیں: الیکشن میں بطور ریٹرننگ افسر دھاندلی کے مرتکب سول جج کی برطرفی کا فیصلہ درست قرار

سیاسی جماعتوں کی سرگرمیاں

اپنے ایکس بیان میں انہوں نے کہا اڈیالہ جیل کے باہر ان کی پارٹی کا کوئی عہدے دار نہیں پہنچتا۔ خواتین کو ڈھال کے طور پر استعمال کیا جاتا ہے۔ پولیس ہمیشہ صبر و تحمل کا مظاہرہ کرتی ہے۔ پولیس تب ہی حرکت میں آتی ہے جب قانون کی خلاف ورزی کی جاتی ہے۔ آپ پولیس کے ساتھ بدتمیزی کریں، ہاتھا پائی کریں تو کیا پولیس آپ کا منہ دیکھتی رہے گی؟ اپنے ہر گناہ کا الزام مریم نواز پر لگانا بند کریں۔

یہ بھی پڑھیں: بلوچستان میں دہشتگرد تنظیموں کیخلاف فوجی آپریشن کی منظوری

عظمیٰ بخاری کی تنقید

عظمیٰ بخاری نے مزید کہا اگر آپ کے لیڈر کی خاطر لوگ باہر نہیں نکلتے تو اس میں مریم نواز کا کیا قصور ہے؟ جو خود کو مقبول ترین سمجھتا تھا اب وہ فضول ترین بن چکا ہے۔ آئین اور قانون کا درس وہ دے رہے ہیں جو خود مطلق العنان بنتے تھے۔ آئین کی حکمرانی اور انسانی حقوق کی خلاف ورزیاں جیسے کارڈ کھیلنا بند کریں، جس نے قانون کو ہاتھ میں لیا ہے وہ کٹہرے میں کھڑا ہوگا، وہ چاہیے کوئی بھی ہو۔

سوشل میڈیا پر بیان

یہ اڈیالہ جیل ہے زمان پارک یا پاکپتن کا پیر خانہ نہیں، جہاں ہر ہفتے بمہ اہل و عیال اور چند کرائے کے لوگوں کے ساتھ تو تماشا لگایا جاتا ہے۔ اڈیالہ جیل کے باہر ان کی پارٹی کا کوئی عہدے دار نہیں پہنچتا خواتین کو ڈھال کے طور پر استعمال کیا جاتا ہے۔ پولیس ہمیشہ صبر و تحمل کا مظاہرہ… https://t.co/9JXzbAbGxE

— Azma Zahid Bokhari (@AzmaBokhariPMLN) January 14, 2026