سندھ کی کردار کشی ایک سازش کے تحت کی جاتی ہے، ہماری حکومت عوام دوست حکومت ہے، بلاول بھٹو زرداری

بلاول بھٹو زرداری کا بیان

کراچی (ڈیلی پاکستان آن لائن) پیپلز پارٹی کے چیئرمین بلاول بھٹو زرداری کا کہنا ہے کہ ایک سازش کے تحت سندھ کی کردار کشی کی جاتی ہے۔ اس جھوٹے بیانیے کا جواب تھرپارکر کی ترقی ہے۔ ہم پورے سندھ میں اسی طرح محنت کررہے ہیں، ہماری حکومت عوام دوست حکومت ہے۔

یہ بھی پڑھیں: ویڈیو: پنجاب حکومت کا قبضہ مافیا کے خلاف گرینڈ آپریشن، 90 دنوں میں فیصلہ، شکایت کا اندراج کیسے ہوگا؟ اہم تفصیلات جانیے

تھرپارکر میں عوام کے ساتھ محبت

مٹھی میں خطاب کرتے ہوئے انہوں نے کہا کہ جب بھی تھر آتا ہوں تو خوشی ہوتی ہے۔ یہاں کے عوام پیپلز پارٹی، بے نظیر بھٹو اور شہید بھٹو سے محبت کرتے ہیں۔ جتنی محنت تھرپارکر کی ترقی کے لیے پیپلز پارٹی نے کی ہے تو اس نے ثابت کردیا ہے کہ پارٹی کتنا یہاں کی عوام سے محبت کرتی ہے۔ ہماری بدقسمتی ہے کہ آپ کو اپنے وسائل استعمال کرنے کی اجازت نہیں دی۔ جب بے نظیر بھٹو نے کوشش کی تو سازشوں کے تحت اسے ناکام بنادیا گیا۔

یہ بھی پڑھیں: برتھ رائٹ سٹیزن شپ ختم کرنے کے ٹرمپ کے ایگڑیکٹو آرڈر پر امریکی سپریم کورٹ کا فیصلہ آ گیا

تھرکول اور معاشی انقلاب

ان کا کہنا تھا کہ تھرکول کی وجہ سے معاشی انقلاب آیا۔ اس کی وجہ سے ہم نے ایک سماجی انقلاب تھرپارکر میں دیکھا ہے۔ یہاں نہ ڈسپنسری، نہ ہیلتھ یونٹ اور نہ اسپتال ہوتے تھے لیکن اب صحت کا نظام تھرپارکر میں بچھایا گیا ہے۔ تھرپارکر کی ترقی کے لیے ہم نے تھر فاؤنڈیشن بنائی، تھرپارکر سے حاصل منافع کا ایک حصہ اس فاؤنڈیشن کو دیا جاتا ہے۔

سندھ میں تعلیم اور ترقی

چیئرمین پی پی کا کہنا تھا کہ ہم پورے سندھ میں اسی طریقے سے محنت کررہے ہیں۔ ہماری حکومت عوام دوست حکومت ہے، ہم صوبے کے عوام کے مفاد میں سوچتے ہیں۔ ہم نے سندھ میں یونیورسٹیز اور اس کے کیمپس کو دگنا کیا، اور اسی طرح دیگر صوبوں سے مقابلہ کرنا چاہتے ہیں۔ امید ہے کہ تھرپارکر کے عوام تعلیم حاصل کرکے ہر شعبے میں ترقی کریں گے۔ مجھے خوشی ہوئی کہ تھرپارکر میں گلگت کے طالب علم بھی تعلیم حاصل کرنے آئے ہیں۔