جوڈیشل کمیشن نے لاہور ہائیکورٹ کے 11 ایڈیشنل ججز کو مستقل کرنے کی منظوری دیدی

جوڈیشل کمیشن کا اجلاس

اسلام آباد (ڈیلی پاکستان آن لائن) جوڈیشل کمیشن نے لاہور ہائی کورٹ کے 11 ایڈیشنل ججز کو مستقل کرنے کی منظوری دے دی۔

یہ بھی پڑھیں: ٹریفک آرڈیننس پر عمل درآمد روکنے کی افواہوں پر حکومت پنجاب کی وضاحت آگئی۔

اجلاس کی تفصیلات

اسلام آباد میں چیف جسٹس یحییٰ آفریدی کی زیر صدارت جوڈیشل کمیشن کا اجلاس ہوا جس میں لاہور ہائی کورٹ کے ایڈیشنل جج طارق محمود باجوہ کو 6 ماہ کی توسیع دی گئی۔ ایڈیشنل جج حسن نواز مخدوم، جسٹس ملک وقار حیدر اعوان اور جسٹس سردار اکبر علی کے نام کی منظوری دی گئی۔

یہ بھی پڑھیں: وزیراعظم شہباز شریف نے زرعی اور موسمیاتی ایمرجنسی نافذ کرنے کا اعلان کر دیا۔

مزید منظوریوں کا اعلان

’’جنگ‘‘ نے ذرائع کے حوالے سے بتایا کہ جسٹس سید احسن رضا، جسٹس ملک جاوید اقبال، جسٹس محمد جواد ظفر اور جسٹس خالد اسحاق کی بھی منظوری دی گئی۔ جوڈیشل کمیشن کے اجلاس میں جسٹس ملک محمد اویس خالد اور جسٹس چوہدری سلطان محمود کو مستقل کرنے کی منظوری دی گئی۔

دیگر ججز کی صورتحال

ذرائع کا کہنا ہے کہ اجلاس میں جسٹس تنویر احمد شیخ اور جسٹس عبہر گل کو بھی مستقل کرنے کی منظوری دے دی گئی ہے۔ جوڈیشل کمیشن کے اجلاس میں لاہور ہائی کورٹ کے ایڈیشنل جج راجہ غضنفر علی خان کو مستقل کرنے کی منظوری نہیں دی گئی۔