گرفتار اہلکاروں پر تشدد ثابت ہوا تو سخت کارروائی کریں گے، علی امین گنڈاپور

وزیراعلیٰ خیبرپختونخوا کی شدید مذمت

پشاور (ڈیلی پاکستان آن لائن) وزیراعلیٰ خیبرپختونخوا علی امین گنڈاپور نے کہا ہے کہ اسلام آباد میں پرامن احتجاج کے ساتھ جو کچھ ہوا وہ ناقابل برداشت ہے۔ ہمارے بارودی پولیس والوں کو غیر قانونی طور پر حراست میں لیا گیا، اسی طرح ہمارے ریسکیو اہلکاروں کو بھی حراست میں لیا گیا۔ اگر ان پر تشدد ثابت ہوا تو ہم سخت کارروائی کریں گے۔

یہ بھی پڑھیں: شاہ رخ خان کی اس گھڑی کی قیمت کتنی ہے؟آپ جان کر دنگ رہ جائیں گے.

خود مختاری اور قانونی چارہ جوئی

وزیراعلیٰ کے پی علی امین گنڈاپور نے کابینہ اجلاس میں اظہار خیال کرتے ہوئے کہا کہ ہماری ریسکیو مشینری کو بھی غیر قانونی طور پر قبضے میں لیا گیا۔ بحیثیت وزیراعلیٰ جہاں جاؤں گا اہلکار اور مشینری ساتھ لے جاؤں گا۔ انھوں نے کہا کہ کے پی ہاؤس اسلام آباد میں غیر قانونی طور پر ہماری املاک کو توڑا گیا۔ قانونی چارہ جوئی کے لیے مشاورت کرکے لائحہ عمل طے کریں گے۔

کمیٹی کی تشکیل اور نقصانات کی جانچ

علی امین گنڈاپور نے کہا کہ کے پی ہاؤس میں نقصانات کا تخمینہ لگانے کے لیے کمیٹی تشکیل دی گئی ہے۔ وفاقی حکومت کے اس طرح کے غیر قانونی اقدامات ناقابل برداشت ہیں، صوبے کی خود مختاری اور آئینی حقوق پر سمجھوتہ نہیں کریں گے۔