وزیراعظم شہباز شریف نے وزیراعظم صحت کارڈ کا باضابطہ اجرا کر دیا

وزیراعظم شہباز شریف کا صحت کارڈ کا اجرا

اسلام آباد (ڈیلی پاکستان آن لائن) وزیراعظم شہباز شریف نے وزیراعظم صحت کارڈ کا باضابطہ اجرا کر دیا ہے۔ اس موقع پر خطاب کرتے ہوئے کہا کہ آج صحت کی سہولتیں گھر کی دہلیز پر فراہم کرنے کا ایک اہم دن ہے۔

پہلا فلاحی پروگرام

وزیراعظم کا کہنا تھا کہ 2016 میں نواز شریف نے پاکستان میں سب سے پہلے اس فلاحی پروگرام کا آغاز کیا تھا۔ صحت ہو گی تو کھیلوں میں کامیابیاں ملیں گی اور صحت ہو گی تو مخالفین کو بھی شکست دی جا سکے گی۔ آج آزاد کشمیر اور گلگت بلتستان میں وزیراعظم صحت کارڈ کا اجرا کیا جا رہا ہے، جس سے لاکھوں خاندان مستفید ہوں گے۔

صحت کارڈ کا سندھ میں اجرا

وزیراعظم نے وزیرِ صحت کی جانب سے سندھ میں بھی صحت کارڈ کے اجرا کی تجویز کو مثبت قرار دیتے ہوئے کہا کہ یہ ایک اچھی تجویز ہے اور وہ خود وزیراعلیٰ سندھ سے اس حوالے سے بات کریں گے۔ یقیناً سندھ میں صحت کے حوالے سے اپنا پروگرام موجود ہو گا۔