کراچی میں 100 سے زائد بچوں سے زیادتی کرنے والا ملزم ساتھی سمیت گرفتار

کراچی میں بڑی کارروائی

کراچی (ڈیلی پاکستان آن لائن) کراچی پولیس نے رواں سال کی سب سے بڑی کارروائی کرتے ہوئے 100 سے زائد بچوں سے زیادتی میں ملوث ملزم کو ساتھی سمیت گرفتار کرنے کا دعویٰ کیا ہے۔

یہ بھی پڑھیں: اودھم پور پر پاکستانی حملے کی تصدیق لیکن یہ تباہی اسی کا نتیجہ ہے؟ حامد میر نے ویڈیو شیئر کردی

ملزمان کی شناخت

ایس پی انویسٹی گیشن عثمان سدوزئی نے دعویٰ کیا ہے کہ ہماری ٹیم نے متاثرہ بچے کی نشاندہی پر ٹیپوسلطان میں کارروائی کی، گرفتار ملزمان میں مرکزی ملزم عمران اور وقاص خان شامل ہیں۔ یہ ملزمان 100 سے زائد بچوں سے زیادتی میں ملوث رہے ہیں جب کہ پولیس کو 2020 سے 2025 تک 7 شکایات رپورٹ ہوئی تھیں۔

یہ بھی پڑھیں: باچوڑ میں فتنہ الخوارج کا چھوڑا ہوا بارودی مواد پھٹنے سے 3 بچے شہید، 5 زخمی

تحقیقات کی تفصیلات

انہوں نے بتایا کہ مختلف اضلاع کے کیسز میں ڈی این اے ایک ہی شخص کا ملا تھا، اور ہمیں 6 سال سے الگ کیسز میں ایک ہی ڈی این اے ملنے پر تفتیش ہوئی۔ ان تمام کیسز میں 12 سے 13 سال کے لڑکوں کو زیادتی کا نشانہ بنایا گیا اور ایک کیس میں بچے سے 2 سے زائد افراد نے زیادتی کی۔ درج شدہ تمام 7 مقدمات میں ملزم کا ڈی این اے میچ کر گیا ہے۔

یہ بھی پڑھیں: اسلام آباد میں منعقدہ منفرد نائٹ رن نے وفاقی دارالحکومت کی رات کو روشنیوں سے بھر دیا

ٹیم کی تشکیل اور ملزمان کی گرفتاری

عثمان سدوزئی کا کہنا تھا کہ ایڈیشنل آئی جی کراچی آزاد خان نے 6 جنوری کو ٹیم تشکیل دی تھی، جو ڈی آئی جی سی آئی اے مقدس حیدر کی سربراہی میں بنائی گئی تھی۔ اس ٹیم نے 11 روز کے اندر مطلوب ترین ملزمان کو گرفتار کیا۔ ملزم عمران منظورکالونی کا رہائشی ہے اور پنکچر کا ٹھیا لگاتا ہے۔ مرکزی ملزم عمران نے 6 سال میں درجنوں بچوں سے زیادتی کا اعتراف کیا ہے۔

یہ بھی پڑھیں: گھر سے چیز لینے کے لیے نکلا تھا اور اس کے بعد واپس نہیں آیا، کراچی میں والدین کا اکلوتا بیٹا زیادتی کے بعد قتل

شناخت اور فرار کی کوشش

ایس پی کے مطابق تین کیسز میں بچوں نے ملزم عمران کو شناخت کر لیا ہے، جبکہ ایک کیس میں بچے نے عمران اور ساتھی وقاص خان کو بھی پہچانا۔ ملزم ایک بچے کو وقاص کے ساتھ سرجانی بھی لے گیا تھا جہاں بچے نے شور مچایا تو دونوں ملزمان موقع سے فرار ہوگئے۔

یہ بھی پڑھیں: یو ایس اوپن ٹینس میچ کے دوران یادگار لمحہ، لڑکے نے اسٹیڈیم میں اپنی محبوبہ کو پرپوز کردیا، ویڈیو وائرل

سندھ آئی جی کا بیان

دوسری جانب آئی جی سندھ کا کہنا ہے کہ تفتیشی ٹیم نے ملزمان کو گرفتار کیا، کیس کی سائنسی بنیادوں پر تفتیش کی گئی، متعدد کیسز میں ایک ہی ڈی این اے آنے پر ٹیم بنائی گئی۔ کیس کی تفتیشی ٹیم کو ایوارڈ بھی دیا جائے گا۔

یہ بھی پڑھیں: حکومت کو آئینی ترمیم کے لیے سینیٹ میں 64 اور قومی اسمبلی میں 224 ووٹ درکار

وزیراعلیٰ سندھ کی ہدایت

وزیراعلیٰ سندھ مراد علی شاہ نے ہدایت کی کہ ملزم کے خلاف مضبوط شواہد کی بنیاد پر کیس عدالت میں لے جایا جائے، جبکہ ایڈیشنل آئی جی کراچی کو روزانہ کی بنیاد پر کیس کی پیش رفت سے آگاہ کیا جائے۔

بچوں سے زیادتی کی ناقابل قبولیت

وزیراعلیٰ سندھ نے کہا کہ بچوں سے زیادتی ناقابل قبول ہے، پولیس ملزمان کو سزا دلوانے کے لیے ہر ممکن قدم اٹھائے۔