کراچی میں آن لائن فراڈ کیس میں مفرور 2 ملزمان کے ناقابل ضمانت وارنٹ جاری

جوڈیشل مجسٹریٹ کے فیصلے

کراچی (ڈیلی پاکستان آن لائن) جوڈیشل مجسٹریٹ شرقی نے پونزی اسکیم اور شہریوں سے آن لائن فراڈ کرنے کے کیس میں 2 مفرور ملزمان کے ناقابل ضمانت وارنٹ گرفتاری جاری کردیے۔

یہ بھی پڑھیں: یونان کشتی حادثے میں ملوث بدنام زمانہ جہاز گینگ کا اہم رکن سیالکوٹ سے گرفتار

کیس کی سماعت

جوڈیشل مجسٹریٹ شرقی کی عدالت کے روبرو پونزی اسکیم اور شہریوں سے آن لائن فراڈ کرنے کے کیس کی سماعت ہوئی۔ 12 ملزمان کو جیل حکام نے عدالت میں پیش کیا، جن میں 7 چینی باشندے بھی شامل ہیں۔ 2 مفرور چینی باشندے تاحال گرفتار نہ ہوسکے۔

یہ بھی پڑھیں: جڑواں شہروں میں بیٹے نے باپ اور دو بہنوں کو ذبح کر دیا

وارنٹ گرفتاری کا اجرا

عدالت نے دونوں مفرور ملزمان کے ناقابل ضمانت وارنٹ جاری کرتے ہوئے سماعت 29 جنوری تک ملتوی کردی۔

پراسیکیوشن کی تفصیلات

پراسیکیوشن کے مطابق ملزمان کیخلاف سائبر کرائم نے مقدمہ درج کیا تھا۔ گرفتار ملزمان کی ضمانت عدالت مسترد کرچکی ہے۔ ملزمان سوشل میڈیا کے ذریعے جعلی سرمایہ کاری اسکیمیں چلا رہے تھے۔