ٹرمپ نے غزہ کیلئے بورڈ آف پیس میں وزیراعظم پاکستان کو شمولیت کی دعوت دی، ترجمان دفتر خارجہ
شہباز شریف کو امریکی صدر کی دعوت
اسلام آباد (ویب ڈیسک) ترجمان دفتر خارجہ طاہر حسین اندرابی نے بتایا کہ امریکی صدر ڈونلڈ ٹرمپ نے غزہ کے لیے بورڈ آف پیس میں وزیراعظم پاکستان شہباز شریف کو شمولیت کی دعوت دی ہے۔
یہ بھی پڑھیں: شاہ رخ خان کو 33 سال بعد پہلا نیشنل فلم ایوارڈ مل گیا
پاکستان کا کردار
ترجمان دفتر خارجہ نے کہا کہ پاکستان کو غزہ سے متعلق بورڈ آف پیس میں شامل ہونے کی باضابطہ دعوت ملی ہے۔ پاکستان غزہ میں امن و سلامتی کے لیے عالمی کوششوں میں بھرپور کردار ادا کرتا رہے گا، اور غزہ میں پائیدار امن کے لیے پاکستان بین الاقوامی برادری کے ساتھ رابطے میں رہے گا۔
یہ بھی پڑھیں: فحش مواد کے لیے تصاویر اور آواز کا استعمال، ایشوریہ رائے عدالت پہنچ گئیں
مسئلہ فلسطین کا حل
طاہر حسین اندرابی نے کہا کہ مسئلہ فلسطین کا مستقل حل اقوام متحدہ کی قراردادوں کے مطابق ہونا چاہیے، اور پاکستان مشرق وسطیٰ میں دیرپا امن کے لیے سفارتی کاوشوں کی حمایت جاری رکھے گا۔
یہ بھی پڑھیں: پاک افغان اختلافات کا پیچیدہ تنازعات میں تبدیل ہونا دونوں اقوام کیلئے نئی مشکلات اور آزمائشوں کے دروازے کھول سکتا ،خواجہ سعد رفیق
غزہ بورڈ کی تشکیل پر اسرائیلی اعتراض
واضح رہے کہ وائٹ ہاؤس نے ٹرمپ کے منصوبے کے تحت غزہ بورڈ آف پیس کے ارکان کے ناموں کا اعلان کیا تھا، جبکہ اسرائیل نے غزہ بورڈ کی تشکیل کو مسترد کرتے ہوئے کہا ہے کہ یہ بورڈ اسرائیلی حکومت کی پالیسی کے خلاف ہے۔
اسرائیلی وزیر خارجہ کا موقف
بیان میں مزید کہا گیا کہ اسرائیلی وزیر خارجہ گڈیون سار غزہ بورڈ کا معاملہ امریکی وزیر خارجہ مارکو روبیو کے ساتھ اٹھائیں گے۔
