میئر کراچی 23 گھنٹے بعد آگ سے متاثر گل پلازہ اور ڈی سی آفس کا دورہ، شہریوں کا احتجاج، نعرے بازی

میئر کراچی کا گل پلازہ کا دورہ

کراچی (ڈیلی پاکستان آن لائن) میئر کراچی مرتضیٰ وہاب نے 23 گھنٹے بعد آگ سے متاثر گل پلازہ کا دورہ کیا۔ ان کی آمد پر شہریوں نے احتجاج کیا اور نعرے لگائے۔

یہ بھی پڑھیں: اسرائیل کی اسلحہ برآمدات ریکارڈ سطح پر پہنچ گئیں، ایک سال میں کتنے ہتھیار بیچے، خریدار کون؟ جان کر یقین نہ آئے

شہریوں کی تکلیف کا احساس

میڈیا سے گفتگو میں مرتضیٰ وہاب کا کہنا تھا کہ کچھ لوگوں نے نعرے لگائے، عوام کی تکلیف سمجھتا ہوں۔ آگ پر مکمل کنٹرول اور کولنگ کا عمل کب مکمل ہوگا، اس بارے میں وقت نہیں دے سکتا۔ تاجروں نے بتایا کہ ایک راستے سے فائر فائٹر جا سکتے ہیں۔ ہم لاپتہ افراد کو بچانے کی کوشش کر رہے ہیں، لوگوں کے کہنے کے مطابق عمارت کے پیچھے سے بھی آپریشن کیا جا رہا ہے۔ 24 گھنٹے سے فائر فائٹرز آگ بجھانے کی کوشش کر رہے ہیں۔

یہ بھی پڑھیں: ن لیگ نے ملک کو ایٹمی قوت بنایا، چین کیساتھ مل کر جے ایف 17 دیا: نواز شریف

لاپتہ افراد اور امدادی کارروائیاں

’’جنگ‘‘ کے مطابق میئر کراچی کا کہنا تھا کہ 65 کے قریب لوگ لاپتہ ہیں۔ رش کے باعث امدادی کارروائیوں میں مشکلات پیش آ رہی ہیں۔ ہمارا فائر فائٹر دوران ڈیوٹی شہید ہوا ہے۔ عوام جذباتی ہیں، ان کا دکھ سمجھتا ہوں۔ مجھ پر تنقید کریں، کل سے فائر بریگیڈ کام کر رہا ہے۔ 10 بج کر 27 منٹ پر کال آئی اور 15 منٹ میں فائر بریگیڈ پہنچ گئی۔ فائر بریگیڈ وقت پر نہ پہنچنے کی بات درست نہیں ہے۔

ڈی سی آفس کے باہر شہریوں کا احتجاج

گل پلازہ کے دورے کے بعد میئر کراچی قریب موجود ڈی سی آفس چلے گئے، جہاں ڈی سی آفس کے باہر بھی شہریوں نے احتجاج کیا۔