متنازع ٹوئٹ کا کیس، ایمان مزاری اور ہادی علی کو تاحال گرفتار نہیں کیا جا سکا

اسلام آباد میں متنازع ٹوئٹ کیس

اسلام آباد(ڈیلی پاکستان آن لائن) متنازع ٹوئٹ کیس میں ایمان مزاری اور ہادی علی کو تاحال گرفتار نہیں کیا جا سکا۔ ملزمان کی عدم گرفتاری پر ڈسٹرکٹ اینڈ سیشن کورٹس اسلام آباد کی جانب سے برہمی کا اظہار کیا گیا۔

یہ بھی پڑھیں: ایران کی جوابی کارروائی، اسرائیل پر میزائل داغ دیئے، اسرائیلی فوج کا دعویٰ

سماعت کی تفصیلات

روزنامہ جنگ کے مطابق ایمان مزاری اور ہادی علی چٹھہ کے خلاف متنازع ٹوئٹ کیس کی سماعت ایڈیشنل ڈسٹرکٹ اینڈ سیشن جج محمد افضل مجوکہ نے کی۔

یہ بھی پڑھیں: پی ٹی آئی ڈی چوک پر لاشیں گرانے آ رہی ہے؛ فیصل واوڈا

جج کا حکم

دوران سماعت جج افضل مجوکہ نے کہا کہ آپ مجسٹریٹ سے گھر کا سرچ وارنٹ لیں، آج ملزمان کو گرفتار کر کے 11 بجے تک عدالت میں پیش کریں۔

پچھلی سماعت کی صورت حال

واضح رہے کہ گزشتہ سماعت میں ڈسٹرکٹ اینڈ سیشن کورٹ اسلام آباد نے متنازع ٹوئٹس کیس میں ایمان مزاری اور ہادی علی چٹھہ کی ضمانت منسوخ کرتے ہوئے ملزمان کو گرفتار کر کے پیش کرنے کا حکم دیا تھا。