محمود خان اچکزئی کے اپوزیشن لیڈر بننے کا مطلب ہے کہ ان کو ہائبرڈ رجیم میں حصہ داری مل گئی ہے،ایمل ولی خان

ایمل ولی خان کا بیان

پشاور (ڈیلی پاکستان آن لائن) مرکزی صدر عوامی نیشنل پارٹی سینیٹر ایمل ولی خان کا کہنا ہے کہ خیبر پختونخوا کا سب سے بڑا مسئلہ تیراہ ہے، جو نقل مکانی ہوگی اس میں دہشت گرد بھی نکلیں گے، ہم سمجھتے ہیں کہ نقل مکانی کا مقصد کچھ اور ہے۔

یہ بھی پڑھیں: سوشل میڈیا پر اداروں کے خلاف مذموم مہم چلائی جا رہی ہے، ملکی خودمختاری پر کوئی سمجھوتہ نہیں کیا جائے گا، طلال چودھری

دہشت گردی کے بارے میں ایمل ولی خان کے خیالات

ایمل ولی خان نے کہا کہ کیا دہشت گردوں کے ماتھے پر لکھا ہوا ہے کہ وہ دہشت گرد ہیں؟ پنجاب میں آپریشن ہوئے کیا وہاں سے نقل مکانی ہوئی، اس مسئلے کا حل صرف آپریشن نہیں ہے۔ ذہنی دہشت گرد ہر مکتب فکر میں بیٹھے ہوئے ہیں، اس قوم کو جس نے تباہ کیا ان کو سزا ہونی چاہئے۔ پہلے واضح پالیسی دیں کہ یہ دہشت گرد کون ہیں، یہ دہشت گرد فتنہ خوارج ہیں یا ہمارے خیر خواہ ہیں۔ دہشت گردوں کے لئے کوئی گنجائش نہیں ہونی چاہیئے۔

محمود خان اچکزئی کی نامزدگی پر ایمل ولی خان کا تبصرہ

انہوں نے کہا کہ محمود خان اچکزئی کے اپوزیشن لیڈر بننے کا مطلب ہے کہ ان کو ہائبرڈ رجیم میں حصہ داری مل گئی ہے، کتنی اچھی بات ہے کہ افغانستان حکومت کا نمائندہ پاکستان میں اپوزیشن لیڈر بن گیا۔ محمود خان اچکزئی گزشتہ 105 سال سے اپنے نظریے سے ہٹ چکے ہیں، کبھی نوازشریف، کبھی مولانا فضل الرحمان تو کبھی ایک قیدی کے ساتھ کھڑے ہوتے ہیں۔

محمود خان اچکزئی گذشتہ 105 سال سے اپنے نظریے سے ہٹ چکے ہیں، کبھی نوازشریف، کبھی مولانا فضل الرحمان تو کبھی ایک قیدی کے ساتھ کھڑے ہوتے ہیں۔
سربراہ اے این پی ایمل ولی خان کا اپوزیشن لیڈر نامزدگی پر تبصرہ@AimalWali pic.twitter.com/GutUa93hom

— Pakhtun Digital (@PakhtunDigital) January 20, 2026