سعودی کابینہ نے ڈونلڈ ٹرمپ کے بورڈ آف پیس کی حمایت کر دی

سعودی کابینہ کا اجلاس

ریاض (ڈیلی پاکستان آن لائن) سعودی کابینہ نے غزہ پٹی کے لیے امن منصوبے کے دوسرے مرحلے کا خیر مقدم کرتے ہوئے ڈونلڈ ٹرمپ کے بورڈ آف پیس کی حمایت کی ہے۔ اجلاس کی صدارت شاہ سلمان بن عبدالعزیز نے کی۔

یہ بھی پڑھیں: خیبر پختونخوا کے مختلف شہروں میں 24 گھنٹوں کے دوران تیسری مرتبہ زلزلہ

غزہ میں جنگ بندی اور انسانی امداد

وزراء نے غزہ میں جنگ بندی پر عملدرآمد اور انسانی امداد کی ضرورت پر زور دیتے ہوئے فلسطینی اتھارٹی کے علاقے میں واپس آنے اور اسرائیلی قبضے کے خاتمے کا مطالبہ کیا ہے۔

یہ بھی پڑھیں: ہماری فوج نے شہادتیں دے کر فتح حاصل کی، چوہدری پرویز الہیٰ

جنگ بندی کے معاہدے کی حمایت

سعودی کابینہ نے جنگ بندی کے معاہدے کی بھی حمایت کی اور شامی جمہوری افواج کو شامی ریاست میں ضم کرنے کے اقدام کو تسلیم کرتے ہوئے ملکی امن اور شامی خودمختاری پر اپنا عزم دہرایا۔

یمن بحران کے خاتمے کی کوششیں

کابینہ نے یہ بھی کہا کہ سعودی عرب یمن بحران کے خاتمے کے لیے مسلسل کوششیں کر رہا ہے۔ اس سلسلے میں صحت، تعلیم اور بنیادی ڈھانچے کے اہم شعبوں کی ترقی کے لیے 507 ملین ڈالر کے منصوبوں اور پروگراموں کا آغاز کیا گیا ہے۔