شدید ترین سردی میں لوگوں کو بے گھر کیا جارہا ہے، جماعت اسلامی تیراہ متاثرین کے ساتھ ہے، حافظ نعیم الرحمان

پشاور میں پریس کانفرنس

پشاور (ڈیلی پاکستان آن لائن) امیر جماعت اسلامی پاکستان حافظ نعیم الرحمان کا کہنا ہے کہ شدید سردی میں تیراہ کے لوگوں کو بے گھر کیا جارہا ہے۔ حکومت مقررہ مدت میں آپریشن مکمل کرے۔ تیراہ میں آپریشن کے باعث لوگ بے گھر ہو رہے ہیں۔ گزشتہ آپریشن میں متاثرین کو 4 لاکھ روپے دینے کا وعدہ کیا گیا تھا لیکن ابھی تک کچھ نہیں ملا۔

یہ بھی پڑھیں: عدنان صدیقی کو سالگرہ کی مبارک باد دینے کے بدلے میں اُن سے کتنی رقم بٹوری؟ چاہت فتح علی خان کا ایسا انکشاف کہ سوشل میڈیا صارفین ٹوٹ پڑے۔

قبائلی علاقے اور امن

قبائلی علاقے ہمارے پرامن علاقے تھے جہاں اب حالات خراب ہیں، جماعت اسلامی تیراہ متاثرین کے ساتھ ہے۔

یہ بھی پڑھیں: لاہور پریس کلب کے صدر ارشد انصاری کے اعزاز میں عشائیہ، بلاول بھٹو، مراد علی شاہ کی شرکت

وزیراعلیٰ کا کردار

حافظ نعیم الرحمان نے کہا کہ وزیراعلیٰ سہیل افریدی کو اپنے علاقے کے عوام کے ساتھ کھڑا ہونا چاہیے۔ صوبائی حکومت کہتی ہے کہ آپریشن مرضی کے بغیر ہورہا ہے۔ یہ بیان دے کر جان نہیں چھڑا سکتے، حکومت آپریشن متاثرین کو بے یار و مددگار نہ چھوڑے۔

یہ بھی پڑھیں: پی ٹی آئی کارکنان جماعت کے رہنماؤں سے ناراض: ‘اگر آپ قیادت نہیں کر سکتے تھے تو لوگوں کو باہر نکلنے کا کیوں کہا؟’

پاکستان اور افغانستان کے تعلقات

پاکستان افغانستان جھگڑے سے کسی کو کچھ حاصل نہیں ہوگا، دونوں ممالک کو یہ ممکن بنانا چاہیے کہ سرزمین ایک دوسرے کے لیے استعمال نہ ہو۔ اسلامی ممالک کے درمیان لڑائی سے ہندوستان خوش ہوتا ہے۔ افغانستان میں پھنسے طلباء کو مشکلات کا سامنا ہے، اور دونوں ممالک کے درمیان کشیدگی سے تجارت متاثر ہورہی ہے۔

یہ بھی پڑھیں: ہمارے انتظامی معاملات میں سیاسی مداخلت نے گورننس کے بڑے سنجیدہ مسائل پیدا کیے، اب تو افسر شاہی واضح سیاسی دھڑوں میں بٹ چکی ہے۔

لوکل حکومتوں کے نظام کی اہمیت

حافظ نعیم الرحمان نے مزید کہا کہ مقامی حکومتوں کے نظام کو مضبوط ہونا چاہیے۔ بااختیار مقامی حکومتیں ہونی چاہئیں۔ مقامی حکومتوں کو توسیع نہیں دینی چاہیے۔ بلدیاتی حکومتوں کو مضبوط کرنے کے حوالے سے کوئی سیاسی جماعت بات نہیں کرتی۔ 17 سال سے کراچی میں پیپلز پارٹی کی حکومت ہے، کراچی کا بیڑا غرق کردیا گیا ہے۔

عوام کی مشکلات

کراچی منی پاکستان ہے، ہم کراچی کی بات کرتے ہیں تو پورے پاکستان کی بات ہوتی ہے۔ کراچی کا میئر جماعت اسلامی کا تھا جو چھینا گیا۔ کراچی سانحہ پر حکمرانوں نے بے حسی کا مظاہرہ کیا۔ عوام مہنگی بجلی استعمال کرنے پر مجبور ہیں۔ رمضان المبارک کے بعد جماعت اسلامی ایک بار پھر سڑکوں پر آئے گی، اب ہم معاہدوں پر اعتبار نہیں کریں گے۔