ون ڈے رینکنگ، ڈیرل مچل نے ویرات کوہلی سے پہلی پوزیشن چھین لی

ڈیئرل مچل کی شاندار کارکردگی

آکلینڈ (ڈیلی پاکستان آن لائن) نیوزی لینڈ کے بلے باز ڈیرل مچل نے بھارت کے خلاف شاندار کارکردگی کے بعد آئی سی سی ون ڈے بیٹنگ رینکنگ میں پہلی پوزیشن حاصل کر کے ویرات کوہلی کو پیچھے چھوڑ دیا۔ بھارت میں کھیلی گئی ون ڈے سیریز میں نیوزی لینڈ نے 2 سے کامیابی حاصل کی جو بھارت میں اس کی پہلی ون ڈے سیریز فتح ہے۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا ؟

سیریز کا فیصلہ کن میچ

ڈیرل مچل نے اندور میں کھیلے گئے آخری میچ میں کیریئر کی بہترین 137 رنز کی اننگز کھیلی اور سیریز میں مجموعی طور پر 352 رنز بنا کر پلیئر آف دی سیریز قرار پائے۔ یہ بھارت میں تین یا اس سے کم میچوں کی سیریز میں کسی بھی مہمان بلے باز کی جانب سے سب سے زیادہ رنز ہیں۔ مچل اس وقت 845 ریٹنگ پوائنٹس کے ساتھ کیریئر کی بہترین سطح پر ہیں۔

نمبر ون کا سفر

ڈیرل مچل اس سے قبل نومبر میں تین دن کے لیے نمبر ون رہے تھے، جس کے بعد روہت شرما پہلی بار اپنے کیریئر میں سرفہرست آئے۔ اس کے بعد ویرات کوہلی کی نمبر ون پوزیشن مختصر ثابت ہوئی اور اب وہ مچل سے 50 ریٹنگ پوائنٹس پیچھے ہیں۔