جو دعا کرنی ہے کریں، اگلے 10 منٹ میں میری پریشانی غائب ہو گئی، ریس کے شرکاء کی تعداد ہر گزرتے سال کیساتھ بڑھتی جا رہی ہے اور تماشائیوں کی بھی۔

مصنف کا تعارف

مصنف: شہزاد احمد حمید
قسط: 416

یہ بھی پڑھیں: کراچی میں بچوں کی لڑائی میں بڑے کود پڑے، 19سالہ نوجوان چھریوں کے وار سے جاں بحق

قلعہ دراوڑ کی ریس

قلعہ دراوڑ کے سائے میں ہونے والی یہ ریس اب پاکستانی سپورٹس کیلنڈر کا بڑا ایونٹ بن چکی ہے اور ریس کے شرکاء کی تعداد ہر گزرتے سال کے ساتھ بڑھتی جا رہی ہے اور تماشائیوں کی بھی۔

یہ بھی پڑھیں: چونڈہ میں ایسی جنگ تھی جس کا انجام دیکھ کر بڑے بڑے مغربی جرنیل بھی دنگ رہ گئے، دنیا بھر کے جنگی تبصرہ نگاروں نے اسے پاکستان کی واضح فتح قرار دیا

میرے دوست قاضی اللہ دتہ

میرے دوست قاضی اللہ دتہ دراوڑی بھی دراوڑ کے رہنے والے تھے۔ وہ گاؤں کے نمبر دار، داستان گو اور چولستان کے معزز آدمی تھے۔ ان سے میری نیاز مندی مرتے دم تک قائم رہی۔ بہت سادہ، درویش اور مہمان نواز تھے۔ افسوس، قاضی اللہ دتہ ایک سال پہلے اس جہاں فانی کو چھوڑ گئے اور محبت، خلوص، مہمان نوازی جیسے الفاظ بھی اپنے ساتھ لے گئے۔ وہ بہت عزت دینے والے، سادہ، کھرے اور دریا دل انسان تھے۔ مجھے یقین ہے اللہ نے اپنی مخلوق سے پیار کرنے والے اس صحرا ئی کو اپنے ہاں اعلیٰ مقام دیا ہوگا۔ ان کی وفات کی اطلاع پر ان کے بیٹے رب نواز سے اظہار افسوس کرتے ہوئے میں بہت ہی رنجیدہ ہوگیا تھا۔

یہ بھی پڑھیں: سینئر صحافی عمر چیمہ کی والدہ کا انتقال، وزیر اعلیٰ مریم نواز کا اظہار افسوس

یونین کونسل دراوڑ کا سیکرٹری

یونین کونسل دراوڑ کا سیکرٹری محمد اسلم بھلے مانس، تابعدار، برخودار، مجھے بچوں کی طرح ہی عزیز تھا۔ اس سے بھی گاہے بگاہے بات ہوجاتی ہے۔

یہ بھی پڑھیں: ایٹمی طاقت کا حصول دانشمندانہ فیصلہ تھا’ صدر اور وزیر اعظم کی یومِ تکبیر پر قوم کو مبارکباد

چولستان کے دوست

میرے کچھ یار میں “کوٹھری بنگلہ” چولستان کے چک نمبر 120ڈی این بی کا رہائشی محبوب احمد بھی شامل ہیں۔ وہ “یونین کونسل میرانہ” کا سیکرٹری اور میرا برخودار تھا۔ اس سے شناسائی تب سے ہے جب میں 2005ء میں پہلی بار چولستان کی سیر کو باس، لالہ اعجاز اور مشتاق کے ساتھ آیا تھا۔ ان دنوں چوہدری بشارت اے ڈی ایل جی بہاول ور تھا۔ ایک اچھا افسر اور درویش آدمی۔ محبوب سے ہونے والی یہ ملاقات میری بہاول پور تعیناتی میں دوستی میں بدل گئی۔ آج بھی چولستان یاترا کو جاؤں تو ممکن نہیں کہ اس سے ملاقات نہ ہو۔ مخلص، درویش، مہمان نواز اور پیارا انسان۔ میں کئی بار اس کی مہمان نوازی سے لطف اندوز ہوا ہوں۔ اللہ اس کے دسترخوان کو اور وسیع کرے۔ آمین۔

یہ بھی پڑھیں: گرفتار ٹک ٹاکر کاشف ضمیر کا سابقہ کرائم ریکارڈ بھی سامنے آگیا

جام نور الحسن

“چنی گوٹھ” کے رہائشی جام نور الحسن کا ذکر کرنا بھی ضروری سمجھتا ہوں۔ وہ بھی شاندار انسان تھے۔ فرماں بردار اور جی دار۔ رحیم یار خاں جاتے اکثر اس سے ملاقات ہوتی تھی۔ وہ آج بھی رابطے میں ہے۔ اس کا ایک احسان بھی مجھ پر ہے۔ جب میں لاہور ایچ بی ایف سی سوسائیٹی میں پلاٹ خرید رہا تھا تو یہ عمرہ کے لیے مدینہ منورہ میں تھا۔ میں ایک پلاٹ کا سودا کرکے بہت پریشان تھا۔ ایڈوانس بھی دے چکا تھا۔ مجھے جام نور کا فون آیا۔ کہنے لگا؛ “سر! کیا آپ پریشان ہیں؟” میں نے ہاں میں جواب دیا۔ بولا؛ “سر! میں نے تصور میں آپ کو پریشان دیکھ کر روضہ رسول ﷺ پر چلا آیا ہوں آپ نے جو دعا کرنی ہے کریں۔” میں نے دعا کی اور اگلے 10 منٹ میں میری پریشانی غائب ہوگئی۔ سبحان اللہ۔ جام نور نیک اور دین دار آدمی تھا۔ رحیم یار خاں کا نذیر سیکرٹری بھی درویش انسان تھا۔ اس سے بھی رابطہ رہتا ہے۔

یہ بھی پڑھیں: کوئٹہ میں پسند کی شادی کرنے والے میاں بیوی کو قتل کرنے کے الزام میں 11 افراد گرفتار

اختر بخاری کا پیار اور خلوص

میری یہ بھی خوش بختی رہی کہ مجھے حضرت سرخ پوش بخاری ؒ اور حضرت جہانیاں جہاں گشتؒ کے گدی نشینوں میں سے ایک “اختر بخاری” کا پیار اور خلوص بھی ملا۔ گو وہ میری ایک یونین کونسل کے سیکرٹری تھے لیکن ان کی نسبت کہاں تھی شاید عام آدمی اندازہ ہی نہیں کر سکتا۔ دھیما مزاج، درد دل رکھنے والا یہ درویش بھی اب ریٹائر ہو چکا ہے۔ وہ ہمیشہ دعاؤں میں یاد رکھتے ہیں۔ اس سے بھی میرا رابطہ ہے۔ (جاری ہے)