سعودی عرب کے سکولوں میں موسیقی کی تعلیم کے لیے خواتین اساتذہ کی تربیت کا سلسلہ جاری

سعودی عرب میں موسیقی کی تعلیم کا آغاز

ریاض(ڈیلی پاکستان آن لائن) سعودی عرب کے سکولوں میں موسیقی کی تعلیم کے لیے خواتین اساتذہ کی تربیت کا سلسلہ جاری ہے۔ سعودی میڈیا کے مطابق ریاض میں منعقدہ کانفرنس سے خطاب کرتے ہوئے سعودی وزارت ثقافت میں منصوبہ بندی کی ڈائریکٹر نورالدباغ نے کہا کہ مملکت کے نظام تعلیم میں بڑی تبدیلیاں کی جا رہی ہیں۔

یہ بھی پڑھیں: سعودی ولی عہد کا گزشتہ 6ماہ کے دوران پاکستانی وزیراعظم سے پانچویں ملاقات پر خوشی کا اظہار

نصاب میں موسیقی کی شمولیت

پرائمری کلاسوں سے موسیقی کی تعلیم کو نصاب میں شامل کیا جائے گا۔ ان کا کہنا تھا کہ سکولوں میں موسیقی کی تعلیم کے لیے وزارت ثقافت کی جانب سے 9 ہزار سے زائد خواتین اساتذہ کو تیار کیا جا رہا ہے۔ یہ اساتذہ پرائمری کلاسوں میں موسیقی کی تعلیم دیں گی۔

فنون و ثقافت کی شمولیت

نورالدباغ کا مزید کہنا تھا کہ مملکت کے تعلیمی نصاب میں فنون و ثقافت کو بھی شامل کیا جائے گا۔