آزادکشمیر میں برف باری سے 11 گھر تباہ، 8 مکانات کو جزوی نقصان پہنچا

آزاد جموں و کشمیر میں حالیہ برفباری کے نقصانات

مظفرآباد (ڈیلی پاکستان آن لائن) سٹیٹ ڈیزاسٹر مینجمنٹ اتھارٹی (ایس ڈی ایم اے) نے آزاد جموں و کشمیر میں حالیہ برفباری کے دوران نقصانات کی تفصیلات جاری کر دی ہیں۔

یہ بھی پڑھیں: سپریم کورٹ میں مستقل جج کی تعیناتی؛ جوڈیشل کمیشن آف پاکستان کا اجلاس آج ہوگا

انسانی جانوں کا نقصان

نجی ٹی وی چینل دنیا نیوز کے مطابق آزاد جموں و کشمیر میں حالیہ برفباری کے باعث لینڈ سلائیڈنگ سے باغ میں ایک شہری جاں بحق ہوا ہے۔ اس کے علاوہ، لینڈ سلائیڈنگ اور برفانی تودے گرنے کے نتیجے میں 11 گھر مکمل طور پر تباہ ہوگئے جبکہ 8 مکانات کو جزوی نقصان پہنچا ہے۔

یہ بھی پڑھیں: پنجاب بھر کے سرکاری اور نجی سکولوں میں سکیورٹی انتظامات مزید سخت کرنے کا فیصلہ

سڑکوں کی حالت

ایس ڈی ایم اے کے مطابق دارالحکومت سے پیر چناسی شاہراہ برفباری کے باعث بند ہے، جبکہ دارالحکومت سے وادی نیلم کی شاہراہ شاردہ تک بحال ہو چکی ہے۔

یہ بھی پڑھیں: ملک بدری کے خطرات کے باوجود بھارتی شہری آخر امریکہ جانے کا خواب کیوں دیکھتے ہیں؟

بحالی کے اقدامات

برفباری کے باعث بلند بالا علاقوں اور نیلم ویلی کی بند شاہراوں کی بحالی کا کام تیزی سے جاری ہے۔ ہٹیاں بالا سے وادی لیپہ جانے والی شاہراہ کو بھی داوکھن تک بحال کردیا گیا ہے۔

سفر سے احتیاط

ایس ڈی ایم اے کی جانب سے پھسلن کے باعث شہریوں کو سفر سے گریز کرنے کی ہدایت کی گئی ہے۔ اندرون وادی لیپہ کی شاہراؤں اور برفباری سے بند بالائی علاقوں کی بحالی کا کام بھی تیزی سے جاری ہے۔