وزیراعلی مریم نوازشریف کی زیر صدارت خصوصی اجلاس،آتشزدگی کے واقعات سے بچاؤ کیلئے اہم فیصلے

خصوصی اجلاس کی تفصیلات

لاہور (ڈیلی پاکستان آن لائن) وزیراعلی مریم نوازشریف کی زیر صدارت خصوصی اجلاس میں آتشزدگی کے واقعات سے بچاؤ کیلئے اہم فیصلے کئے گئے۔

یہ بھی پڑھیں: کراچی میں امن مارچ کے دوران ہنگامہ آرائی، گرفتار 20 ملزمان کو جیل بھیج دیا گیا

اہم ہدایات

اجلاس کے دوران 9 ڈویژن کے 1197 مقامات پر واٹر ہائیڈرنٹ نصب کرنے کی ہدایت کی گئی۔ ریسکیو 1122 میں نیا فائر انسپکٹوریٹ یونٹ قائم کرنے اور آتشزدگی کے سدباب کے لیے جدید ترین ہائی ایکسپنشن فون جنریٹر کے استعمال کا فیصلہ کیا گیا۔

یہ بھی پڑھیں: پاسداران انقلاب ہوں، مسلمانان عرب ہوں یا پھر ترکی، پاکستان، روس اور چین ہوں، سب کو وقت کے یزید کا ہاتھ روکنے کے لیے آگے بڑھ کر عملی کردار ادا کرنا ہوگا، جاویدلطیف

بڑی عمارتوں کی سیکیورٹی

وزیراعلیٰ پنجاب نے بڑی عمارتوں میں سموگ ڈیکٹیٹر، سی سی ٹی وی کیمرے لگانے کا حکم دیا ہے۔ فرسٹ ایڈ اور آکسیجن سلنڈر بھی بڑی کمرشل عمارتوں میں لازمی قرار دیا گیا۔ اس کے علاوہ، کیمیکل، گتا، کپڑا اور سلنڈر وغیرہ کی مارکیٹ میں آتشزدگی سے نمٹنے کے لیے سپیشلائزڈ ٹریننگ کا فیصلہ بھی کیا گیا ہے۔

یہ بھی پڑھیں: اسرائیل، ایران تنازعے پر روس کا رد عمل کیسا ہوگا؟ کیا روس سے امیدیں لگائی جاسکتی ہیں؟

وزیراعلیٰ کا خطاب

اجلاس کے شرکا سے خطاب کرتے ہوئے وزیراعلیٰ مریم نواز نے کہا کہ ریسکیو اداروں کی بروقت کارروائی قابل تحسین ہے۔ انہوں نے کہا کہ رسپانس ٹائم اچھا تھا، اور پورے پنجاب میں یہی رسپانس ٹائم ہونا چاہیے۔

یہ بھی پڑھیں: پاکستان تحریک انصاف کی اہم خاتون رہنما جیل سے رہا

سیفٹی ریگولیشن کی پابندی

مریم نواز نے مزید کہا کہ ڈویلپمنٹ اتھارٹی بلڈنگ کی تعمیر کے دوران سیفٹی ریگولیشن کا نفاذ یقینی بنایا جائے۔ ہر عمارت میں فائر سیفٹی آلات موجود ہونے چاہئیں اور ان کا کارآمد ہونا بھی ضروری ہے۔ آگ بجانے کے آلات کی ایکسپائری ڈیٹ اور فائر آلارم چیک کرنا ہوگا۔

سلنڈرانسپکشن اور غیر معیاری مواد کا خاتمہ

صوبہ بھر میں سلنڈرانسپکشن کی جائے گی، اور غیر معیاری سلنڈر بنانے اور بیچنے والے ادارے سیل کیے جائیں گے۔ ہر عمارت میں آٹو میٹک سپرینکل سسٹم ہونا چاہیے۔