فیصل آباد میں جیولری شاپ پر چوری کی بڑی واردات، چور سونے سے بھری تجوری ہی اٹھا کر فرار ہو گئے۔

چوری کی بڑی واردات

فیصل آباد (ڈیلی پاکستان آن لائن) سمن آباد کے علاقے میں جیولری شاپ پر چوری کی بڑی واردات ہوئی، جہاں ملزمان سونے سے بھری تجوری ہی اٹھا کر فرار ہو گئے۔

یہ بھی پڑھیں: دو دہشتگرد سوات میں سفارتکاروں کے قافلے پر حملے میں مارے گئے

چوری میں نقصان کی تفصیلات

تاجر کے مطابق تجوری میں 34 تولے سے زائد سونا موجود تھا جس کی مالیت تقریباً پونے دو کروڑ روپے بنتی ہے۔ واردات گزشتہ رات پیش آئی، جب دو ملزمان جیولرز شاپ میں داخل ہوئے اور تجوری اٹھا کر لے گئے۔ چوری کی یہ پوری واردات دکان میں نصب سی سی ٹی وی کیمروں میں محفوظ ہو گئی، جس کی فوٹیج منظر عام پر آ چکی ہے۔

یہ بھی پڑھیں: پاکستان میں غیرقانونی رہائش پذیر مزید 1062 افغان شہریوں کو اپنے وطن واپس بھیج دیا گیا

پولیس کی کارروائی

پولیس کا کہنا ہے کہ واقعے کی تفتیش جاری ہے جبکہ سی سی ٹی وی فوٹیج کی مدد سے ملزمان کی شناخت اور گرفتاری کے لیے کارروائی کی جا رہی ہے۔ تاجر نے پولیس سے مطالبہ کیا ہے کہ ملزمان کو جلد از جلد گرفتار کر کے لوٹا گیا سونا برآمد کیا جائے۔

سماجی میڈیا پر خبریں

فیصل آباد سمن آباد سوہا بازار میں رات گئے بڑی واردات دو ڈاکوں جیولر کی تجوری اٹھا کر لے گئے، ڈاکو کروڑوں روپے کی مالیت کا سونا لے اڑے pic.twitter.com/kxEusgUWKC

— Mian Kashif Fareed (@MianKashifFare1) January 28, 2026