چودھری شوگر ملز کیس: مریم نواز کی رقم واپسی کی درخواست پر نیب سے جواب طلب

مریم نواز کی درخواست

لاہور(ڈیلی پاکستان آن لائن) وزیراعلیٰ پنجاب مریم نواز نے چودھری شوگر ملز کیس میں 7 کروڑ روپے گارنٹی کی واپسی کے لیے درخواست دائر کی جس پر عدالت نے نیب سے جواب طلب کر لیا۔

یہ بھی پڑھیں: اگست 2025 میں گاڑیوں کی فروخت میں سالانہ بنیاد پر 62 اور ماہانہ بنیاد پر 28 فیصد اضافہ

عدالت کا نوٹس

نجی ٹی وی چینل دنیا نیوز کے مطابق چیف جسٹس لاہور ہائیکورٹ کی سربراہی میں 3 رکنی فل بنچ نے نیب کو نوٹس جاری کرتے ہوئے جواب طلب کیا، وکیل نیب نے کہا کہ نیب نے کیس ختم کر دیا ہے، اس پر چیف جسٹس عالیہ نیلم نے استفسار کیا کہ کیا متعلقہ ٹرائل کورٹ سے بھی کیس ختم ہو گیا ہے؟ وکیل نے آگاہ کیا کہ قانون کے تحت اس کی ضرورت نہیں ہے۔

یہ بھی پڑھیں: حلف نہ اٹھانے پر مراد سعید کی رکنیت ختم نہیں ہو گی، قانون میں گنجائش موجود ہے، مجیب الرحمان شامی

چیف جسٹس کا ریمارک

چیف جسٹس عالیہ نیلم نے کہا کہ نیب نے کیس ختم کر دیا لیکن متعلقہ ٹرائل کورٹ نے بھی حتمی منظوری دینی ہے، نیب چار فروری تک جواب جمع کرائے۔

مریم نواز کا مؤقف

درخواست گزار مریم نواز کی طرف سے مؤقف اپنایا گیا کہ نیب نے چودھری شوگر ملز کیس بے بنیاد قرار دے کر خارج کردیا ہے، چودھری شوگر ملز کیس ختم ہوچکا ہے، گارنٹی کے طور پر رکھوائے گئے 7 کروڑ روپے واپس کیے جائیں.