ٹی 20 ورلڈکپ: حارث کی سلیکشن نہ ہونے پر مائیکل کلارک اور ایرون فنچ حیران

حارث رؤف کی غیر موجودگی پر حیرت

دبئی(ڈیلی پاکستان آن لائن)آسٹریلیا کے سابق کپتان مائیکل کلارک اور ایرون فنچ نے ٹی 20 ورلڈ کپ کیلئے پاکستانی سکواڈ میں فاسٹ باؤلر حارث رؤف کے منتخب نہ ہونے پر حیرانی کا اظہار کیا ہے۔

یہ بھی پڑھیں: پنجاب حکومت نے درجنوں فحش گانوں پر پابندی لگادی، یہ پابندی صحیح یا غلط؟

ایرون فنچ کا بیان

نجی ٹی وی چینل دنیا نیوز کے مطابق ایک پروگرام میں مائیکل کلارک اور ایرون فنچ سے بی بی ایل میں شاندار پرفارمنس کے باوجود حارث رؤف کو ٹیم میں شامل نہ کرنے پر سوال کیا گیا۔ ایرون فنچ نے کہا کہ حارث رؤف کے سکواڈ میں شامل نہ ہونے پر کافی حیرت ہوئی۔

یہ بھی پڑھیں: دبئی ایئرپورٹ اور المکتوم ایئرپورٹ پر غیرملکی پروازوں کی لینڈنگ معطل

فاسٹ باؤلر کی اہمیت

انہوں نے کہا کہ حارث رؤف ٹیم میں ایکس فیکٹر لے کر آتے ہیں، لیکن کبھی کبھار وہ تھوڑے مہنگے ثابت ہوسکتے ہیں۔

یہ بھی پڑھیں: بٹھنڈہ میں طیارہ گرا تو عینی شاہدین نے کیا دیکھا؟ ایسی تفصیلات سامنے آگئیں کہ آپ کو بھی اپنے شاہینوں پر فخر ہوگا

باؤلنگ کی حقیقت

ایرون فنچ کا کہنا ہے کہ سب سے اہم بات یہ ہے کہ آپ کے پاس کھیل کے تینوں مرحلے میں وکٹیں لینے والا حقیقی باؤلر ہو۔ میرے نزدیک ٹی 20 کرکٹ میں وکٹیں لینا سب سے اہم ہوتا ہے، خاص طور پر فلیٹ پچز پر۔

یہ بھی پڑھیں: یوٹیوبر رجب بٹ نے گھر پر فائرنگ کا ذمہ دار 333 گروپ کو قرار دے دیا

مائیکل کلارک کی رائے

اس موقع پر گفتگو کرتے ہوئے مائیکل کلارک نے کہا کہ مجھے بھی حارث رؤف کی سلیکشن نہ ہونے پر حیرت ہوئی۔ ہاں البتہ یہ بات بھی ہے کہ آسٹریلیا میں کھیلنا سری لنکا اور بھارت میں کھیلنے سے مختلف ہے۔

یہ بھی پڑھیں: کبھی بھرپور پروٹوکول میں گھومنے والا سابق امریکی صدر جو بائیڈن کا بیٹا اب کہاں اور کس حال میں ہے؟ نئی تصویر سامنے آگئی۔

کنڈیشنز اور فارم کی اہمیت

ان کا کہنا تھا کہ جہاں آپ نے کھیلنا ہوتا ہے وہاں کی کنڈیشن کے حساب سے سکواڈ بنانا ہوتا ہے اور کھلاڑی کو ان کے رول کے حساب سے ٹیم میں سلیکٹ کیا جاتا ہے۔ جو رول بی بی ایل میں حارث رؤف کا تھا وہ ان کا یہاں نہیں لگتا اور میرے خیال میں کھلاڑی کی فارم بھی کافی اہم ہوتی ہے۔

ورلڈ کپ کیلئے سکواڈ کی تیاری

مائیکل کلارک نے کہا کہ جب آپ ورلڈ کپ کیلئے سکواڈ منتخب کرتے ہیں تو آپ کوشش کرتے ہیں کہ کھلاڑی ٹورنامنٹ میں اچھی کرکٹ کے ساتھ اچھی فارم کے ساتھ آئیں۔