معلوم نہیں کس آپریشن تھیٹر میں بانی پی ٹی آئی کا علاج ہوا: بابر اعوان

پی ٹی آئی کے رہنما بابر اعوان کی تشویش

اسلام آباد(ڈیلی پاکستان آن لائن) پاکستان تحریک انصاف (پی ٹی آئی) کے رہنما بابر اعوان نے کہا ہے کہ بانی پی ٹی آئی کے حال کا معلوم نہیں، معلوم نہیں کس آپریشن تھیٹر میں ان کا علاج ہوا۔

یہ بھی پڑھیں: ٹرمپ کو 2 ہفتے کی ڈیڈ لائنز دینے کا شوق ہے، بی بی سی

پریس کانفرنس میں بابر اعوان کی گفتگو

روزنامہ جنگ کے مطابق بیرسٹر گوہر سمیت پی ٹی آئی کے دیگر رہنماؤں کے ہمراہ پریس کانفرنس کرتے ہوئے بابر اعوان نے کہا کہ بانی پی ٹی آئی کی بہنوں کو اجازت دیں تاکہ اپنے بھائی کو دیکھ سکیں۔

یہ بھی پڑھیں: غزہ میں اسرائیلی فوج کا کرنل مارا گیا

ذاتی معلومات اور ریاستی سہولیات پر سوالات

انہوں نے کہا کہ پہلے کہا گیا کہ بانی پی ٹی آئی صحتمند ہیں، پھر کہا جیل میں ڈاکٹرز کی ٹیم ان کا خیال رکھ رہی ہے، اور آخر میں یہ کہا گیا کہ چھوٹا سا مسئلہ تھا اس لیے رات کو پمز لایا گیا۔

بابر اعوان کا کہنا تھا کہ زندگی ہر کسی کا حق ہے، ہم چیف جسٹس پاکستان کی معاونت کریں گے، جلد سے جلد پی ٹی آئی کے کیسز مقرر کریں، انصاف سے ہٹ کر رعایت نہیں مانگ رہے۔

یہ بھی پڑھیں: بھارتی چینلز پاکستان میں ایک قیدی کی بات کرنے کے بجائے مقبوضہ کشمیر میں انسانی حقوق کی خلاف ورزیوں پر توجہ دیں، انجینئر امیر مقام

منتخب رہنماؤں کی سہولیات کا موازنہ

انہوں نے کہا کہ نواز شریف کو ہر قسم کی سہولتیں فراہم کی گئیں، بانی پی ٹی آئی اور بشریٰ بی بی کی تمام درخواست ضمانتیں دائر ہیں لیکن مقرر نہیں کی گئیں۔

یہ بھی پڑھیں: ڈکی بھائی کی اہلیہ عرب جوتوئی کی غیر قانونی جوئے ایپ کی تشہیر کے مقدمے میں عبوری ضمانت میں توسیع

چیئرمین پی ٹی آئی کی تشویش کا اظہار

اس موقع پر گفتگو کرتے ہوئے چیئرمین پی ٹی آئی بیرسٹر گوہر علی خان نے کہا کہ بانی پی ٹی آئی کی صحت سے عوام کو آگاہ نہ کرنا تشویش ناک بات ہے، ان پر ایک ملک نہیں بلکہ پوری دنیا تشویش کا اظہار کر رہی ہے۔

انہوں نے کہا کہ وفاقی وزراء کو اپنے آپ پر یقین نہیں تو بانی پی ٹی آئی پر کیا یقین دہانی کروائیں گے، حکومت سے کوئی ٹی او آرز طے نہیں ہوئے، سب افواہیں ہیں۔

حالیہ درخواستیں اور قانونی امور

گوہر علی خان کا کہنا ہے کہ بانی پی ٹی آئی سے متعلق تحریک انصاف سے تصدیق کر لیا کریں۔

علی بخاری نے کہا ہے کہ وفاقی وزراء نے جھوٹ بولا کہ بانی پی ٹی آئی کی صحت بالکل درست ہے، بانی پی ٹی آئی کے ایک ایک لمحے کی رپورٹ دی جائے۔

انہوں نے کہا کہ طبی معائنہ کے لیے نئی درخواست دائر کر دی ہے، 190 ملین پاؤنڈ اور توشہ خانہ ٹو کیسز تاحال مقرر نہیں ہوئے۔