بھارت میں پولیس کمانڈو نے حاملہ اہلیہ کا سر بھاری ڈمبل سے مار کر جان لی

دلخراش واقعہ: حاملہ پولیس کمانڈو کا قتل

نئی دہلی (ویب ڈیسک) بھارت میں جہیز کے معاملے پر شوہر نے 4 ماہ کی حاملہ پولیس کمانڈو اہلیہ کے سر پر بھاری ڈمبل مار کر اس کی جان لے لی۔

یہ بھی پڑھیں: توشہ خانہ ٹو کیس میں جج بھی پریشان ہے کہ کیسے سزا سنائے کیونکہ گواہ تو جھوٹے ثابت ہو گئے تھے، علیمہ خان

شوہر کی درندگی

بھارتی میڈیا کے مطابق نئی دہلی سے تعلق رکھنے والی ایک پولیس کمانڈو کاجل چوہدری کو اس کے شوہر نے بے دردی سے موت کے گھاٹ اتار دیا۔ کاجل چوہدری نے وزارت دفاع میں کام کرنے والے ایک کلرک انکور سے 2023 میں شادی کی تھی، دونوں کے درمیان اکثر مالی مسائل کی وجہ سے جھگڑا رہتا تھا۔

یہ بھی پڑھیں: کینیڈا نے امریکہ کو ٹیرف لگانے پر کرارا جواب دیدیا

ہنگامہ بڑھتا ہے

رپورٹس کے مطابق 22 جنوری کو بھی دونوں کے درمیان جھگڑا ہوا جو اس قدر بڑھ گیا کہ انکور طیش میں آگیا اور اس نے اپنی 4 ماہ کی حاملہ پولیس کمانڈو بیوی کے سر پر ڈمبل دے مارا جس سے وہ بری طرح زخمی ہوگئی۔ کاجل کو اسپتال لے جایا گیا لیکن بدقسمتی سے وہ دوران علاج دم توڑ گئی۔

یہ بھی پڑھیں: صوابی میں موسیقی کے پروگرام پر فائرنگ، 2 افراد جان سے ہاتھ دھو بیٹھے

بھائی کی شکایت

کاجل کے بھائی نکھل نے پولیس کو شکایت کرتے ہوئے بتایا کہ جس دن کاجل پر حملہ ہوا تو اس نے مجھے کال کی اور دوران کال انکور نے کاجل پر حملہ کیا۔ چند ہی منٹوں بعد انکور نے مجھے خود فون کر کے اطلاع دی کہ اس نے کاجل کو قتل کر دیا ہے، لاش لینے کے لیے اسپتال آ جاؤ۔

جہیز کے مسئلے کی تحقیقات

میڈیا رپورٹ کے مطابق نکھل نے یہ بھی الزام لگایا کہ کاجل کی ساس اور 2 نندیں اسے جہیز کیلئے ہراساں کرتی تھیں جبکہ والدین سے سسرال والوں نے پیسے بھی لیے تھے۔ پولیس نے کارروائی کرتے ہوئے انکور کو گرفتار کرلیا، جس کے خلاف مزید قانونی کارروائی کی جا رہی ہے۔