پنجاب میں ڈیجیٹل انقلاب کا آغاز ہو چکا، پنجاب ایگریکلچر، فوڈ اینڈ ڈرگ اتھارٹی کا قیام عوامی خدمت کا منہ بولتا ثبوت ہے: وزیر اعلیٰ مریم نواز

پنجاب میں ڈیجیٹل انقلاب

لاہور (ڈیلی پاکستان آن لائن) وزیرِ اعلیٰ پنجاب مریم نواز نے کہا ہے کہ پنجاب میں ڈیجیٹل انقلاب کا آغاز ہو چکا ہے، پنجاب ایگریکلچر، فوڈ اینڈ ڈرگ اتھارٹی کا قیام عوامی خدمت کا منہ بولتا ثبوت ہے۔ میرٹ پر کسی صورت سمجھوتہ نہیں ہو گا۔

یہ بھی پڑھیں: بھلوال میں 4 بہنوں نے زہریلی گولیاں کھالیں، ہسپتال منتقل، حالت تشویشناک

پہلی ایگریکلچر فوڈ اینڈ ڈرگ اتھارٹی کا قیام

پاکستان کی پہلی ایگریکلچر فوڈ اینڈ ڈرگ اتھارٹی کے اجراء کی تقریب سے خطاب کرتے ہوئے انہوں نے کہا ہے کہ ادارے کے قیام پر دلی خوشی ہے۔ جدید لیب نہ ہونے سے برآمد کنندہ اور صارف دونوں نقصان اٹھا رہے ہیں، پنجاب ایگریکلچر، فوڈ اینڈ ڈرگ اتھارٹی 10 سال کی کٹھن محنت کا ثمر ہے۔ پنجاب ترقی و خوش حالی کی راہ پر گامزن ہے، عوامی خدمت ہمارا شعار ہے، ادارے کا قیام، ادارے میں موجود ہر فرد کی محنت کے مرہونِ منت ہے۔

عالمی معیار کی ٹیسٹنگ لیب کی ضرورت

’’جنگ‘‘ کے مطابق وزیر اعلیٰ مریم نواز کا مزید کہنا تھا کہ زرعی ملک ہونے کے باوجود عالمی معیار کی ٹیسٹنگ لیب نہ ہونا لمحۂ فکریہ تھا۔ سیٹلائٹ کرائم سین یونٹس کا دائرہ 38 اضلاع تک پھیلایا جا رہا ہے۔ ای بزنس رجسٹریشن کا آغاز کر دیا ہے، میرٹ پر کسی صورت سمجھوتہ نہیں ہو گا۔ خواتین سائنس دانوں کے لیے 2 ارب 30 کروڑ روپے کی لاگت سے ہاسٹل تعمیر کیا ہے۔