بسنت کے لیے مختص چھتوں کے مالکان کو شورٹی بانڈز لینے کا حکم

بسنّت کے دوران سی سی پی او لاہور کی ہدایات

لاہور(ڈیلی پاکستان آن لائن) سی سی پی اولاہورنے بسنت کے لیے مختص چھتوں کے مالکان سے ایس او پیز پر عملدرآمد کے لیے شورٹی بانڈز لینے کا حکم دے دیا۔

یہ بھی پڑھیں: ملک میں تنخواہ دار طبقے نے ٹیکس دینے میں سب کو پیچھے چھوڑ دیا

اجلاس کی تفصیلات

نجی ٹی وی سما نیوز کے مطابق سی سی پی اولاہور بلال صدیق کمیانہ کی زیرصدارت بسنت کے پُرامن انعقاد سے متعلق اجلاس ہوا ہے جس میں بسنت کے محفوظ انعقاد کو یقینی بنانے کے لیے مختلف امور کا جائزہ لیا گیا۔ بلال صدیق کمیانہ نے کہا کہ چھتوں پر گنجائش سے زائد افراد کی اجازت نہیں ہو گی۔

یہ بھی پڑھیں: دریائے سوات میں سیاحوں کی موت نہیں بلکہ تحریک انصاف کے نظام کی موت ہوئی ہے، عطا اللہ تارڑ

قوانین کی پابندی

ہدایت کی کہ پنجاب ریگولیشن آف کائٹ فلائنگ ایکٹ 2025 پر مکمل عملدرآمد کرایا جائے۔ آج سے کوئی موٹر بائیک سیفٹی راڈ کے بغیر روڈ پر نہیں آنی چاہیے۔

پولیس کی مانیٹرنگ

سی سی پی او لاہورنے بسنت کے دوران مانیٹرنگ کے لیے پولیس ٹیمیں تشکیل دینے کی بھی ہدایت کی اور کہا ہوائی فائرنگ، اسلحہ کی نمائش پر زیرو ٹالرنس ہے۔ خلاف ورزی پر بلا تفریق کارروائی کی جائے گی۔