بسنت پر بلا تعطل بجلی کی فراہمی کیلئے لیسکو نے تمام شٹ ڈاؤن منسوخ کر دیئے
لیسکو کی بجلی کی بلا تعطل فراہمی کی یقین دہانی
لاہور(ڈیلی پاکستان آن لائن) بسنت کے موقع پر بلا تعطل بجلی کی فراہمی کے لیے لیسکو نے تمام شٹ ڈاؤن منسوخ کر دیئے ہیں۔
یہ بھی پڑھیں: پاکستان اور آسٹریلیا کے درمیان پہلا ٹی ٹوینٹی میچ شروع ہی نہ ہو سکا
تعمیراتی اور ترقیاتی کاموں کا مؤثر انتظام
تعمیراتی و ترقیاتی کاموں کی وجہ سے بجلی بند نہیں کی جائے گی۔ موسم سرما کے دوران، لیسکو عام طور پر آٹھ گھنٹے تک بجلی بند کر کے تعمیراتی کام کر رہی ہے، مگر بسنت کے تینوں روز گرڈ سٹیشنز اور الیون کے وی کی شٹ ڈاؤن منسوخ کردی گئی ہیں۔
یہ بھی پڑھیں: سانحہ پہلگام، مقبوضہ کشمیر کے سابق گورنر ستیہ پال ملک نے بھارتی وزیر اعظم کو کڑی تنقید کا نشانہ بنا ڈالا
ایمرجنسی کے لیے ہدایات
ایمرجنسی کی صورت میں متعلقہ افسران کو پاور کنٹرول سینٹر سے رجوع کرنا ہوگا۔ تکنیکی و فنی خرابی کو دور کرنے کے لیے پاور کنٹرول سینٹر سے منظوری لی جائے گی، اور منظوری کے بغیر کسی صورت بجلی بند نہیں ہوگی۔
لیسکو کی خصوصی ٹیمیں
لیسکو نے بسنت کے موقع پر صارفین کو بلا تعطل بجلی کی فراہمی کا اعلان کیا ہے اور اس سلسلے میں لیسکو چیف محمد رمضان بٹ کی ہدایات کے تحت خصوصی ٹیمیں بھی تشکیل دی گئی ہیں۔
