حکومت نے قومی ٹیم کو ٹی 20 ورلڈ کپ میں شرکت کی اجازت دے دی، انڈیا کے خلاف میچ سے منع کردیا

حکومت پاکستان کی جانب سے قومی کرکٹ ٹیم کی اجازت

اسلام آباد (ڈیلی پاکستان آن لائن) حکومت پاکستان نے قومی کرکٹ ٹیم کو انڈیا کی میزبانی میں ہونے والے ٹی ٹوئنٹی ورلڈ کپ میں شرکت کی اجازت دے دی۔

یہ بھی پڑھیں: حکومت پنجاب محفوظ، مضبوط اور ٹیکنالوجی سے لیس شہری ماحول فراہم کرنے کیلیے پرعزم ہے: عظمیٰ بخاری

ٹی ٹوئنٹی ورلڈ کپ 2026 میں شرکت

حکومت کی طرف سے کہا گیا ہے کہ قومی ٹیم ٹی ٹوئنٹی ورلڈ کپ 2026 میں شرکت کرسکتی ہے تاہم حکومت نے 15 فروری کو انڈیا کے خلاف ہونے والے میچ میں شرکت سے قومی ٹیم کو روک دیا ہے۔

چیئرمین پی سی بی کی وزیر اعظم سے ملاقات

واضح رہے کہ کچھ روز پہلے چیئرمین پی سی بی محسن نقوی نے وزیر اعظم شہباز شریف سے ملاقات کی تھی۔ جس کے بعد اعلان کیا گیا تھا کہ قومی ٹیم کی ورلڈ کپ میں شمولیت کا فیصلہ جمعہ یا پیر کو کرلیا جائے گا۔