کون سے آئین میں لکھا ہے کہ کراچی کو وفاق کے حوالے کیا جائے گا؟ مراد علی شاہ

وزیراعلیٰ سندھ کا میڈیا سے خطاب

کراچی (ڈیلی پاکستان آن لائن) وزیراعلیٰ سندھ مراد علی شاہ کا کہنا ہے کہ کہاں لکھا ہے، کون سے آئین میں لکھا ہے کہ کراچی کو وفاق کے حوالے کیا جائے گا؟ سانگھڑ میں میڈیا سے گفتگو کرتے ہوئے وزیراعلیٰ سندھ نے مزید کہا کہ گل پلازہ کے واقعے پر سیاست کی جا رہی ہے۔

یہ بھی پڑھیں: لاہور گلبرگ میں واقع نجی ہوٹل میں آگ کیسے لگی؟ مختلف اداروں کی ابتدائی تحقیقاتی رپورٹ تیار

گل پلازہ واقعے کی تحقیقاتی رپورٹ

مراد علی شاہ نے کہا کہ تحقیقاتی رپورٹ میں کچھ خامیاں ہیں اور سانحے کی اصل وجوہات کا پتہ کرنے کے لیے مزید تحقیقات کی ضرورت ہے۔ انہوں نے واضح کیا کہ کابینہ نے یہ فیصلہ کیا ہے کہ گل پلازہ میں جتنی دکانیں تھیں، اتنی ہی بنائی جائیں گی۔

تعمیر نو کا ہدف

وزیراعلیٰ سندھ نے کہا کہ حکومت کا ہدف دو سال کے اندر گل پلازہ کی تعمیر نو کرنا ہے۔ انہوں نے اس واقعے کو انتہائی افسوسناک قرار دیتے ہوئے کہا کہ 80 افراد جاں بحق ہوئے۔ اس ضمن میں ہم نے چیف جسٹس سندھ ہائی کورٹ کو تحقیقات کے لیے خط بھی تحریر کیا ہے۔