خلیجی ممالک کے لیے پروٹیکٹر رجسٹریشن میں سافٹ اسکلز سرٹیفکیٹ کی شرط کی آخری تاریخ میں ایک ماہ کی توسیع

تاریخ میں توسیع

اسلام آباد(آئی این پی ) بیورو آف امیگریشن اینڈ اوورسیز ایمپلائمنٹ نے سعودی عرب، متحدہ عرب امارات سمیت خلیجی ممالک کیلئے پروٹیکٹر رجسٹریشن میں سافٹ اسکلز سرٹیفکیٹ کی شرط کی آخری تاریخ میں ایک ماہ کی توسیع کر دی۔

یہ بھی پڑھیں: خوابوں کی تکمیل کیلئے گھر چھوڑ کر بھاگی تھی: شہناز گل

نئی تاریخوں کا اعلان

بیورو کے مطابق یہ شرط پہلے یکم فروری 2026 سے نافذ کی جانی تھی، تاہم اب اس کا اطلاق یکم مارچ 2026 سے ہوگا۔ اس فیصلے سے پاکستان میں موجود محنت کشوں، ہنرمند افراد اور بیرون ملک ملازمت کے خواہشمند شہریوں کو تیاری کیلئے مزید وقت مل جائے گا، جس سے سفری اور دستاویزی امور میں آسانی پیدا ہوگی۔

یہ بھی پڑھیں: ایک ہی گھر سے ماں باپ اور دو بچوں کی تین دن پرانی لاشیں برآمد

مقاصد اور فوائد

حکام کا کہنا ہے کہ توسیع کا مقصد خلیجی ممالک میں پاکستانی افرادی قوت کیلئے بہتر اور منظم مواقع فراہم کرنا ہے، تاکہ عالمی معیار کے مطابق ہنر اور سافٹ اسکلز کے ساتھ ملازمت کے امکانات بڑھائے جا سکیں۔

یہ بھی پڑھیں: امریکہ ایران پر حملہ نہ کرے ورنہ عالمی آئل مارکیٹ ہل جائے گی، سعودی عرب، قطر اور عمان نے خبردار کردیا

درخواست دہندگان کیلئے ہدایات

درخواست دہندگان کو ہدایت کی گئی ہے کہ وہ سرکاری ویب سائٹس اور مستند ذرائع سے تازہ ہدایات اور تقاضوں سے باخبر رہیں۔ بیورو آف امیگریشن اینڈ اوورسیز ایمپلائمنٹ نے اس سے قبل بیرون ملک ملازمت کیلئے نئے آن لائن پروٹیکٹر سرٹیفکیٹ سے متعلق وضاحت بھی جاری کی تھی۔

یہ بھی پڑھیں: ستاروں کی روشنی میں آپ کا آج (منگل) کا دن کیسا رہے گا ؟

غلط معلومات سے آگاہی

بیورو کی سوشل میڈیا پوسٹ کے مطابق بعض غیر ذمہ دار عناصر یہ تاثر دے رہے تھے کہ یکم فروری 2026 سے بیرون ملک جانے والے تمام افراد کیلئے آن لائن پروٹیکٹر (ای پروٹیکٹر) سرٹیفکیٹ لازمی قرار دے دیا گیا ہے، جو درست نہیں۔

عوام سے اپیل

بیورو نے عوام سے اپیل کی ہے کہ افواہوں پر کان نہ دھریں اور کسی بھی قسم کی معلومات کیلئے صرف سرکاری اعلانات پر اعتماد کریں۔