علیمہ خان کے ناقابل ضمانت وارنٹ گرفتاری جاری، گرفتار کرکے پیش کرنے کا حکم

راولپنڈی میں علیمہ خان کے وارنٹ گرفتاری

انسداد دہشت گردی عدالت راولپنڈی نے تھانہ صادق آباد میں 26 نومبر کے احتجاج پر درج مقدمے میں علیمہ خان کے ناقابل ضمانت وارنٹ گرفتاری جاری کردیئے۔

یہ بھی پڑھیں: یوٹیوب شارٹس کا دورانیہ بڑھانے کا فیصلہ

عدالت میں حاضری سے استثنی کی درخواست

نجی ٹی وی چینل ایکسپریس نیوز کے مطابق علیمہ خان کے وکیل فیصل ملک عدالت پیش ہوئے، علیمہ خان کی جانب سے حاضری سے استثنی کی درخواست دائر کی اور کہا کہ علیمہ خان کے اکاونٹ اور شناختی کارڈ جب تک ڈی فریز نہیں ہونگے وہ عدالت میں پیش نہیں ہونگی۔

یہ بھی پڑھیں: عید سے پہلے بڑا ریلیف، لال مرچ کی قیمت میں 10 ہزار روپے فی من کی حیران کن کمی

عدالت کے احکامات

سپیشل پراسیکیوٹر ظہیر شاہ نے کہا کہ ملزمہ عدالت کو ڈکٹیٹ نہیں کرسکتی ناہی عدالت کو ہائی جیک کرسکتی ہے۔ عدالت نے مقدمے کا ٹرائل روزانہ کی بنیاد پر چلانے کے احکامات دئیے ہیں۔ ملزمہ کا شروع دن سے رویہ غیر ذمہ دارانہ ہے۔ ملزمہ عدالت پیش ہی نہیں ہورہی تو شناختی کارڈ یا بینک اکاونٹ کیسے ڈی فریز کئے جائیں۔

یہ بھی پڑھیں: عمران خان نے حکومت کے خلاف احتجاجی تحریک شروع کرنے کا اعلان کردیا، بیرسٹر علی ظفر

درخواست مسترد اور گرفتاری کا حکم

عدالت نے فریقین کے دلائل سننے کے بعد علیمہ خان کی حاضری سے استثنی کی درخواست مسترد کردی اور علیمہ خان کے ناقابل ضمانت وارنٹ گرفتاری جاری کردئیے۔ عدالت نے حکم دیا کہ ایس پی راول علیمہ خان کو گرفتار کرکے کل تک عدالت میں پیش کریں۔ ملزمہ جب تک عدالت پیش نہیں ہوگی بینک اکاونٹ اور شناختی کارڈ بلاک رہیں گے۔

ضامن کو نوٹس اور سماعت کا ملتوی ہونا

عدالت نے علیمہ خان کے ضامن کو بھی نوٹس جاری کردئیے اور مقدمے کی سماعت کل تک ملتوی کردی۔ استغاثہ کے گواہان عدالت میں موجود تھے۔ مقدمے کی سماعت انسداد دہشت گردی عدالت کے جج امجد علی شاہ نے کی۔ علیمہ خان کے خلاف درج مقدمے میں مجموعی طور پر 10 گواہان پر جرح مکمل ہوچکی ہے۔ عدالت نے آج جرح کے لئے مزید گواہان کو طلب کر رکھا تھا.