فیلڈ مارشل سید عاصم منیر سے اسلامی فوجی اتحاد برائے انسداد دہشتگردی کے سیکرٹری جنرل کی ملاقات
ملاقات کی تفصیلات
راولپنڈی (ڈیلی پاکستان آن لائن) فیلڈ مارشل عاصم منیر سے اسلامی فوجی اتحاد برائے انسداد دہشت گردی (آئی ایم سی ٹی سی) کے سیکرٹری جنرل میجرجنرل محمد بن سعید نے ملاقات کی ہے۔
یہ بھی پڑھیں: ذاتی معالج تک رسائی عمران خان کا حق ہے، ملک میں ٹینشن اور گالم گلوچ کا ماحول ختم ہونا چاہیے، سب سیاسی رہنماؤں کو ڈائیلاگ کی طرف آنا چاہیے، فواد چودھری
باہمی دلچسپی کے امور
پاک فوج کے شعبہ تعلقات عامہ (آئی ایس پی آر) کے مطابق جنرل ہیڈکوارٹرز راولپنڈی میں ہونے والی ملاقات میں باہمی دلچسپی کے امور، علاقائی سیکیورٹی کی صورتحال اور دہشتگردی کیخلاف تعاون بڑھانے پر زوردیا گیا۔ فریقین نے دہشتگردی اور انتہاپسندی کے خاتمے کے لئے مشترکہ حکمت عملی کے عزم کا اعادہ کیا۔
یہ بھی پڑھیں: ایرانی صدر کے پڑوسی ممالک پر حملے روکنے کے اعلان کے باوجود بحرین، قطر اور متحدہ عرب امارات میں زور دار دھماکوں کی آوازیں
انٹیلی جنس تبادلے اور استعداد میں اضافہ
آئی ایس پی آر کے مطابق، ملاقات میں انٹیلی جنس تبادلے اور رکن ممالک کی استعداد بڑھانے کے اقدامات مزید مضبوط بنانے پر اتفاق کیا گیا۔ فیلڈ مارشل عاصم منیر نے اسلامی دنیا میں استحکام کے فروغ میں آئی ایم سی ٹی سی کے کردار کو سراہا اور انسدادِ دہشتگردی اقدامات میں آئی ایم سی ٹی سی کے کردار کی تعریف کی۔
یہ بھی پڑھیں: میری بیٹی فلموں میں نہیں آرہی، کاجول نے واضح کردیا
پاکستان کی خدمات کا اعتراف
میجرجنرل محمد بن سعید نے دہشتگردی کے خلاف جنگ میں پاکستان کی قربانیوں اور خدمات کو تسلیم کیا اور پاکستان کی مسلح افواج کی پیشہ ورانہ صلاحیتوں کی تعریف کی۔ ملاقات میں خطے میں امن، استحکام اور سیکیورٹی کے لیے ادارہ جاتی تعاون مزید مضبوط بنانے کے عزم پر زوردیا گیا۔
آئندہ کی سرگرمیاں
آئی ایس پی آر نے بتایا کہ آئی ایم سی ٹی سی کا وفد 2 سے 6 فروری 2026 تک پاکستان کے دورے پر ہے۔ وفد نیشنل یونیورسٹی آف سائنسز اینڈ ٹیکنالوجی میں انتہاپسندی سے متعلق ایک ہفتے کی تربیت کا انعقاد کرے گا۔
