سپیکر قومی اسمبلی ایاز صادق سے برطانوی ہائی کمشنر کی ملاقات، دوطرفہ تعلقات سمیت اہم امور پر گفتگو

ملاقات کا پس منظر

اسلام آباد (ڈیلی پاکستان آن لائن) سپیکر قومی اسمبلی سردار ایاز صادق سے برطانیہ کی ہائی کمشنر جین میریٹ نے پارلیمنٹ ہاؤس میں ملاقات کی۔ اس ملاقات میں دونوں ممالک کے درمیان دو طرفہ تعلقات اور اہم پارلیمانی و علاقائی امور پر تبادلۂ خیال کیا گیا۔

یہ بھی پڑھیں: گلی میں کھیلتے ہوئے 7سالہ بچی اندھی گولی کا شکار، 11روز بعد ہسپتال میں دم توڑ گئی

دوستانہ تعلقات کی اہمیت

سپیکر نے برطانوی سفارت کار سے گفتگو کرتے ہوئے کہا کہ پاکستان برطانیہ کے ساتھ اپنے تاریخی دوستانہ تعلقات کو بڑی اہمیت دیتا ہے۔ انہوں نے دونوں ممالک کے درمیان پارلیمانی و عوامی سطح پر رابطوں کو مزید فروغ دینے کی ضرورت پر زور دیا اور یہ واضح کیا کہ اس سے دونوں اقوام کے درمیان ہم آہنگی میں اضافہ ہوگا۔

یہ بھی پڑھیں: لاہور: جمعہ و اتوار ہیوی ٹریفک کے داخلے پر پابندی عائد

پارلیمانی تعاون

سپیکر سردار ایاز صادق نے پاکستان میں پارلیمانی کمیٹیوں کے نظام کو فعال بنانے میں برطانیہ کے تعاون کی تعریف کی۔ انہوں نے بتایا کہ قومی اسمبلی کی تمام قائمہ کمیٹیاں مکمل طور پر فعال ہیں۔ انہوں نے اس بات پر زور دیا کہ پاکستان کئی دہائیوں سے دہشت گردی کا شکار ہے اور اس سے نبرد آزما ہونے میں پرعزم ہے۔

خیر سگالی کے جذبات

چین میریٹ نے سپیکر سردار ایاز صادق کے طرز عمل کو سراہتے ہوئے ان کے تمام اراکین کو بلا تفریق ساتھ لے کر چلنے کو اہم قرار دیا اور پاکستان کے لئے خیر سگالی کے جذبات کا اظہار کیا۔